The news is by your side.

Advertisement

پاکستان اسٹاک ایکسچینج میں تیزی، 109 پوائنٹس کا اضافہ

کراچی: پاکستان اسٹاک ایکسچینج میں آج بھی مثبت کاروبار ہوا اور 100 انڈیکس میں 109 پوائنٹس کا اضافہ ریکارڈ کیا گیا۔

تفصیلات کے مطابق پاکستان اسٹاک ایکسچینج میں کاروباری ہفتے کے تیسرے یعنی بدھ کے روز بھی سرمایہ کاروں نے لین دین میں دلچسپی ظاہر کی جس کے باعث مارکیٹ میں آغاز سے ہی تیزی رہی۔

ٹریڈنگ کا آغاز ہوتے ہی مارکیٹ مثبت زون میں داخل ہوگئی جبکہ ایک وقت میں 100 انڈیکس 183 پوائنٹس نیچے بھی گیا مگر دوسرے سیشن میں لین دین زیادہ ہوئی جس کے بعد انڈیکس مستحکم ہوا۔

مزید پڑھیں: پاکستان اسٹاک ایکسچینج، 100 انڈیکس 175 پوائنٹس اضافے پر بند

پی ایس ایکس کا 100 انڈیکس 109 پوائنٹس اضافے کے بعد 32 ہزار 363 پر بند ہوا، ٹریڈنگ کے دوران 5 ارب 42 کروڑ روپے مالیت کے 18 کروڑ  سے زائد شیئرز کی لین دین ہوئی۔

ٹریڈنگ کے دوران 335 کمپنیوں کے شیئرز مارکیٹ میں خرید و فروخت کے لیے پیش کیے گئے جن میں سے 190 کی قیمتوں میں اضافہ، 126 کے داموں میں کمی جبکہ 19 کے ریٹ مستحکم رہے۔

Comments

comments

یہ بھی پڑھیں