The news is by your side.

Advertisement

پاکستان اسٹاک مارکیٹ میں تیزی

کراچی: پاکستان اسٹاک ایکسچینج میں کاروبار میں تیزی دیکھی گئی، 100 انڈیکس 200 سے زائد پوائنٹس کے اضافے کے بعد 44 ہزار پوائنٹس پر پہنچ گیا۔

تفصیلات کے مطابق ہفتے کے تیسرے کاروباری روز بدھ کو پاکستان اسٹاک مارکیٹ میں تیزی دیکھی گئی، دن کے آغاز پر 100 انڈیکس میں 304 پوائنٹس کا اضافہ ہوا جس کے بعد انڈیکس 44 ہزار 42 پوائنٹس پر پہنچ گیا۔

دن کے وسط تک بڑھنے والے پوائنٹس کی تعداد 430 ہوگئی اور 100 انڈیکس 44 ہزار 150 پوائنٹس پر ٹریڈ کرنے لگا۔

دن کے اختتام تک 100 انڈیکس 237 پوائنٹس اضافے کے ساتھ 43 ہزار 957 پوائنٹس پر بند ہوا۔

خیال رہے کہ گزشتہ ہفتے اسٹاک مارکیٹ میں شدید مندی دیکھی گئی تھی، 7 مارچ کو 100 انڈیکس میں 465 پوائنٹس کی کمی ہوئی جس کے بعد انڈیکس 44 ہزار 56 پوائنٹس پر پہنچ گیا تھا۔

Comments

یہ بھی پڑھیں