The news is by your side.

Advertisement

نئے سال کا آغاز، اسٹاک مارکیٹ کا نیا ریکارڈ، 48000 پوائنٹس کی سطح عبور کرگیا

کراچی : نئے کاروباری سال کے آغاز میں اسٹاک مارکیٹ نے ایک اور ریکارڈ بنا ڈالا، ہنڈرینڈ انڈیکس اڑتالیس ہزار پوائنٹس کی سطح کراس کرگیا۔

تفصیلات کے مطابق سال نو پر بھی پاکستان اسٹاک مارکیٹ میں تیزی کا رجحان برقرار ہے، مارکیٹ بلندیوں کی جانب گامزن ہے، سال دو ہزار سترہ کے پہلے کاروباری روز اسٹاک مارکیٹ میں نیا ریکارڈ قائم ہوگیا اور اسٹاک مارکیٹ نے پہلے ٹریڈنگ سیشن میں اڑتالیس ہزار پوائنٹس کی سطح کو بھی عبور کر لیا۔

ٹریڈنگ کے دوران ہنڈریڈ انڈیکس میں پانچ سو پوائنٹس کا اضافہ ریکارڈ کیا گیا۔

گزشتہ سال میں اسٹاک مارکیٹ بینچ مارک انڈیکس میں چھیالیس فیصد کا اضافہ ریکارڈ کیا گیا۔

تجزیہ کاروں کا کہنا ہے کہ رواں سال مارکیٹ کیلئے بہتر ثابت ہوگا، انڈیکس ستاون ہزار پوائنٹس تک پہنچ جانے کا امکان ہے جبکہ غیر ملکی سرمایہ کاروں کی جانب سے دوبارہ پاکستان اسٹاک مارکیٹ میں سرمایہ کاری متوقع ہے۔

Print Friendly, PDF & Email

Comments

comments

یہ بھی پڑھیں