The news is by your side.

Advertisement

پاکستان اسٹاک مارکیٹ نے آج سے باقاعدہ کام شروع کردیا

اسلام آباد: کراچی، لاہور اور اسلام آباد کے اسٹاک مارکیٹ ختم ہوگئیں، آج سے پاکستان اسٹاک مارکیٹ نے باقاعدہ کام شروع کر دیا۔ کراچی اسٹاک ایکس چینج کی ویب سائٹ اور لوگو بھی تبدیل کردیا گیا۔

کراچی ، لاہور اور اسلام آباد اسٹاک مارکیٹیں پاکستان اسٹاک ایکس چینج میں ضم ہوگئیں، پاکستان اسٹاک ایکس چینج میں کام کا آغاز ہوگیا، وزیر خزانہ اسحاق ڈار نے گھنٹہ بجا کر پاکستان اسٹاک ایکس چینج کا افتتاح کیا۔

اسلام آباد میں پاکستان اسٹاک ایکس چینج کی افتتاحی تقریب سے بات کرتے ہوئے وزیر خزانہ کا کہنا تھا کہ پاکستان اسٹاک ایکس چینج کا خواب پورا ہونے میں پندرہ سال لگے۔ ملکی ترقی میں اسٹاک ایکس چینج کا کردار اہم ہے۔

انھوں نے مزید کہا مستقبل کی ضروریات کو دیکھتے ہوئے قانون سازی کی جارہی ہے ۔ پاکستان کے دیوالیا ہونے کے باتیں دفن ہوگئیں ہیں۔ بائیس عالمی مالیاتی ادارے ملکی معاشی ترقی کو سراہا رہے ہیں جبکہ ریٹینگز منفی سے مثبت ہوگئیں ہیں۔

وزیر خزانہ اسحاق ڈار نے تقریب سے خطاب میں توانائی بحران کے خاتمے کی تاریخ بھی دے دی ،سال مارچ دو ہزار اٹھارہ تک بجلی بحران کا خاتمہ ہوجائے گا۔

پاکستان اسٹاک ایکس چینج میں کا روبار کا آغاز مثبت ہوا تاہم بعد میں ہنڈریڈ انڈیکس مندی کا شکار نظر آیا۔اور ایک موقعے پر انڈیکس میں ایک سو بیس پوائنٹس کی مندی دیکھی گئی۔

واضح رہے کہ پاکستان میں کاروباری سرگرمیوں کے فروغ کے لئے کراچی، لاہور اور اسلام آباد اسٹاک ایکسچینج کے انضمام سے پاکستان اسٹاک ایکسچینج تشکیل دی گئی ہے۔

Comments

comments

یہ بھی پڑھیں