The news is by your side.

Advertisement

پاکستان کی مقبوضہ کشمیر 4 کشمیریوں کے ماورائے عدالت قتل کی شدید مذمت

اسلام آباد : پاکستان نے مقبوضہ کشمیر 4کشمیریوں کے ماورائے عدالت قتل کی شدید مذمت کرتے ہوئے کہا ہے کہ طاقت کا بے تحاشا استعمال اور وحشیانہ پابندیاں کشمیریوں کی جدوجہد دبا نہیں سکتی۔

تفصیلات کے مطابق بھارتی قابض افواج کے ہاتھوں مقبوضہ کشمیر میں 4کشمیریو ں کی شہادت پر پاکستانی دفتر خارجہ نے اپنے بیان میں کشمیریوں کے ماورائے عدالت قتل کی شدید مذمت کی۔

ترجمان دفتر خارجہ کا کہنا تھا کہ یکم اکتوبر2021 سےابتک 25کشمیریوں کو شہید کیا جا چکا ہے، ماورائےعدالت قتل، غیر قانونی حراست، ہراساں کرناپابندیاں معمول ہیںْ

ترجمان نے کہا کہ طاقت کا بے تحاشااستعمال ،وحشیانہ پابندیاں کشمیریوں کی جدوجہد دبانہیں سکتی، کشمیری بھارتی ریاستی دہشت گردی کیخلاف منصفانہ مقصد کیلئےپرعزم ہیں۔

پاکستان نےعالمی برادری کوبھارت سےمتعلق جامع ڈوزیئر پیش کیاتھا ، ڈوزیئرمیں انسانی حقوق کی خلاف ورزی،جنگی جرائم کےثبوت پیش کئے، پاکستان کامطالبہ ہے انسانی حقوق خلاف ورزیوں پربھارت کوجوابدہ بنایاجائے۔

یاد رہے کشمیرمیڈیاسروس کے مطابق قابض فوجیوں نے نوجوانوں کوسرینگر کے علاقے حیدر پور ہ میں تلاشی اور محاصرے کی کارروائی کے دوران شہید کیا جبکہ گزشتہ دس دنوں میں آٹھ کشمیری نوجوانوں کوشہید کیا جاچکا ہے۔

Comments

یہ بھی پڑھیں