اسلام آباد: پاکستان کی سویڈن میں قرآن پاک کے بے حرمتی کی اجازت کی شدید مذمت کر دی ہے۔
دفتر خارجہ کی ترجمان ممتاز زہرا بلوچ نے اپنے ایک بیان میں کہا کہ اسلاموفوبیا پر مبنی کارروائی سے دنیا بھر کے مسلمانوں کی دل آزاری ہوگی، ایسی کارروائیاں کسی بھی طرح سے آزادی اظہار رائے کی آڑ میں جائز نہیں۔
ممتاز زہرا بلوچ نے کہا کہ اسلام امن کا دن ہے، پاکستان سمیت دنیا بھر کے مسلمان دوسرے مذاہب کا احترام کرتے ہیں۔
ترجمان نے کہا کہ سویڈن کے حکام کو پاکستان کی تشویش سے آگاہ کر دیا گیا ہے، سویڈش حکام اسلاموفوبیا کی روک تھام کے لیے اقدامات کریں۔
متعلقہ: توہین مذہب کی اجازت دینے پر ترکیہ کا سویڈن کے خلاف شدید ردِ عمل
🔊: PR NO. 1️⃣2️⃣/2️⃣0️⃣2️⃣3️⃣
Pakistan strongly condemns the abhorrent act of desecration of the Holy Quran in Sweden
🔗⬇️https://t.co/5RM81b6mzA pic.twitter.com/y9Px3rA1Rx
— Ministry of Foreign Affairs – Pakistan (@ForeignOfficePk) January 21, 2023
خیال رہے کہ اسی معاملے پر ترکیہ اور سویڈن کے درمیان کشیدگی بڑھ گئی ہے۔ انقرہ نے سویڈش وزیر دفاع پال جانسن کا دورہ منسوخ کر دیا۔ 27 جنوری کو پال جانسن نے ترکیہ کا دورہ کرنا تھا۔
ترکیہ نے سویڈن میں قرآن پاک کی بے حرمتی اور 12 جنوری کو رجب طیب اردوان کا پتلا لٹکانے پر سفیر کی طلبی کی تھی۔ سویڈن حکومت نے مسلم مخالف رہنما کو قرآن پاک شہید کرنے کی اجازت دی تھی۔
سویڈن اخبار نے ترکیہ صدر رجب طیب اردوان کی طنزیہ خاکہ نگاری کے لیے مقابلے کا آغاز کیا تھا۔