The news is by your side.

عسکری قیادت کیخلاف بیان، پاکستان کا کینیڈین ہائی کمشنر سے شدید احتجاج

اسلام آباد : پاکستان نے کینیڈین وزیر کے عسکری قیادت کیخلاف بیان پر کینیڈین ہائی کمشنر سے شدید احتجاج کیا اور کہا بیان انتہائی غیر ذمہ دارانہ اور سفارتی آداب کیخلاف تھا۔

تفصیلات کے مطابق کینیڈین وزیر کے عسکری قیادت کیخلاف بیان پر کینیڈین ہائی کمشنر کو پاکستانی دفتر خارجہ طلب کیا گیا اور بیان کی مذمت کرتے ہوئے سخت احتجاج ریکارڈ کرایا۔

دفترخارجہ نے احتجاجی مراسلہ کینیڈین ہائی کمشنر کے حوالے کیا اور واضح کیا کہ کینیڈا کے وزیر کا بیان انتہائی غیر ذمہ دارانہ اور سفارتی آداب کیخلاف تھا۔

ترجمان کا کہنا تھا کہ سفارت کار کو آگاہ کیا گیا ہے کہ کینیڈا کے رکن پارلیمنٹ کا پاکستان کے خلاف حالیہ بیان سفارتی اصولوں کے خلاف اور انتہائی غیر ذمہ دارانہ ہے۔

دفتر خارجہ نے کہا کہ یہ فوری طور پر واضح نہیں ہے کہ کینیڈا کے وزیر کو پاکستان کی سیاسی صورت حال کے بارے میں کس نے رابطہ کیا یا انہیں بریفنگ دی۔

Comments

یہ بھی پڑھیں