The news is by your side.

Advertisement

فائر بندی معاہدے کی پاسداری کی جائے: بھارتی ہائی کمشنر کو سخت پیغام

اسلام آباد: گزشتہ روز ورکنگ باؤنڈری پر بھارتی جارحیت کے باعث بڑے پیمانے پر ہونے والے جانی نقصان کے بعد بھارتی ہائی کمشنر گوتم بمبانوالا کو آج دفتر خارجہ طلب کیا گیا اور بھارتی جارحیت کے خلاف سخت احتجاج کیا گیا۔

ذرائع کے مطابق دفتر خارجہ نے بھارتی ڈپٹی ہائی کمشنر کی طلبی کا سمن آج صبح جاری کرتے ہوئے انہیں 3 بجے پیش ہونے کا حکم دیا تھا۔

بھارتی ہائی کمشنر گوتم بمبانوالا کی دفترخارجہ میں طلبی کے موقع پر پاکستان نے گزشتہ روز ہونے والی چپراڑ، چارواہ اور ہڑپال سیکٹر میں بلا اشتعال فائرنگ پر شدید احتجاج کیا گیا۔

مزید پڑھیں: ورکنگ باؤنڈری پر بھارتی جارحیت و بربریت، 6 شہری شہید، 26 زخمی

دفتر خارجہ کا کہنا تھا کہ بھارت کا شہری آبادی کو نشانہ بنانا عالمی قوانین کی خلاف ورزی ہے۔

بھارتی ڈپٹی ہائی کمشنر کو ہدایت کی گئی کہ بھارت 2003 کے فائر بندی معاہدے کی پاسداری کرے۔

یاد رہے کہ گزشتہ روز بھارت نے ورکنگ باؤنڈری پر بلا اشتعال فائرنگ کرتے ہوئے چارواہ، ہڑپال اور چھپار سیکٹر کو اپنا نشانہ بنایا تھا۔

بھارتی جنگی جنون کے نتیجے میں 6 شہری شہید اور 26 زخمی ہوگئے تھے۔

 

پاکستان رینجرز پنجاب کی جانب سے بھرپور جواب دیتے ہوئے دشمن کی بندوقیں خاموش کروا دی گئیں۔

آج صبح ڈی جی پنجاب رینجرز میجر جنرل اظہر نوید حیات نے بھی بھارتی جارحیت کا نشانہ بننے والے ہڑپال اور چارواہ سیکٹر کا دورہ کیا اور جوانوں سے ملاقاتیں کی تھیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں