لاہور: پاکستان سُپر لیگ کے لیے سابق کپتان وسیم اکرم اور رمیز راجہ کا پاکستان کرکٹ بورڈ سے معاہدہ طے پاگیا ہے۔
معاہدے کے مطابق سابق کپتان وسیم اکرم اور رمیز راجہ تین سال تک پاکستان سپر لیگ کے سفیر رہیں گے، ذرائع کا کہنا ہے کہ پی سی بی نے دونوں سابق کپتانوں پر ماسٹرز لیگ سے تعلق ختم کرنے کی شرط رکھی ہے جبکہ پاکستان سپر لیگ کے لیے وسیم اکرم اور رمیز راجہ ماسٹرز لیگ سے معاہدہ ختم کرنے پر رضا مند ہوگئے ہیں۔
پی سی بی اور دونوں سابق کپتانوں کے مابین معاہدے پر آئندہ ایک دو روز میں دستخط ہو جائیں گے۔
