The news is by your side.

Advertisement

پی ایس ایل فائنل کےٹکٹوں کےلیےدوسرے روزبھی بینکوں کےباہر قطاریں

لاہور: پاکستان سپر لیگ کا فائنل دیکھنے کےلیے بے چین شائقین کرکٹ کی قطاریں دوسرے روز بھی بینک کے باہر لگی ہوئی ہیں،کرکٹ کے متوالوں نے ناشتہ بھی قطار میں‌ کھڑے کھڑے کیا.

تفصیلات کے مطابق پی ایس ایل فائنل کے ٹکٹوں کے لیے آج بھی بینکوں کے باہر قطاریں لگی ہوئی ہیں،بینک کےباہر بیرئیرز کےذریعےقطار کا انتظام کیاگیا ہے۔

صبح سویرے سے آئے شائقین کرکٹ نے ناشتہ بھی قطارمیں کیا،پاکستان سپر لیگ کا فائنل دیکھنے کےلیےشائقین کرکٹ وقت اور موسم کی پرواہ کیے بناگذشتہ روز سے قطار میں کھڑے ہوئے ہیں۔

یہاں پڑھیں:پی ایس ایل فائنل کے ٹکٹس کی آن لائن بکنگ شروع

بینک انتظامیہ کا کہنا ہے کہ پانچ سو روپے والے ٹکٹ دستیاب نہیں ہیں، 8 ہزار روپے کے ٹکٹ کے امیدوارانتظارکر سکتے ہیں۔

دوسری جانب شائقین کرکٹ مطالبہ کر تے نظر آرہے ہیں کہ اتنا مہنگا ٹکٹ کیسے خریدیں،ہمیں 500 والا ٹکٹ دیا جائے،تاکہ ہم پی ایس ایل کا فائنل سے زیادہ سے زیادہ لطف اندوز ہو سکیں۔

یہاں پڑھیں:پی ایس ایل : ٹکٹوں کے حصول کیلئے عوام کا بے پناہ رش، لمبی قطاریں

واضح رہے کہ گذشتہ روز سے شائقین کرکٹ پی ایس ایل فائنل کے ٹکٹ ملنے کے انتظار میں بے قرار ہیں،بینک کے باہر ٹکٹ حاصل کرنے والوں کی لمبی قطاریں لگ گئیں،دو سو ٹکٹوں کےلیے ہزاروں افراد کا بینک کے باہر مجمع لگ گیا۔

Print Friendly, PDF & Email

Comments

comments

یہ بھی پڑھیں