The news is by your side.

Advertisement

انگلینڈ‌ کو شکست دے کر اسکاٹ لینڈ نے گرین شرٹس کو خبردار کر دیا

پاکستان اور اسکاٹ لینڈ کے درمیان دو میچوں کی سیریز کا پہلا ٹی ٹوئنٹی میچ آج کھیلا جائے گا

ایڈن برا: پاکستان اور اسکاٹ لینڈ کے درمیان دو میچوں کی ٹی ٹوئنٹی سیریز کا پہلا میچ آج کھیلا جائے گا۔

تفصیلات کے مطابق سرفراز احمد کی قیادت میں گرین شرٹ آج ایڈن برا میں اسکاٹ لینڈ سے ٹکرائیں‌ گے۔ 

پاکستان عالمی رینکنگ میں‌ نمبر ون، جب کہ اسکاٹ لینڈ 11 نمبر پر ہے، البتہ ماہرین کانٹے دار مقابلے کی توقع کر رہے ہیں، جس میں کسی بھی وقت پانسہ پلٹ سکتا ہے۔

یاد رہے کہ اسکاٹ لینڈ اس وقت بھرپور فارم میں ہے، پاکستان کے خلاف میدان میں اترنے سے قبل اس نے انگلینڈ کی مضبوط ٹیم کو شکست دے کر اپنی صلاحیتوں کا لوہا منوا لیا ہے۔

تجزیہ کاروں کے مطابق انگلینڈ کے خلاف ون ڈے میچ میں 371 رنز اسکور کرنے والی اسکاٹ لینڈ کی ٹیم کو ترنوالا سمجھنا بڑی غلطی ہوگی۔ سرفراز الیون کو فتح کے لیے اپنی بہترین صلاحیتوں کا مظاہرہ کرنا ہوگا۔ 

ایڈن برا میں میچ سے دو دن قبل مسلسل بارش کے باعث پاکستان کے ٹریننگ سیشن نہیں ہو سکے، البتہ کپتان سرفراز احمد کا کہنا  ہے کہ ان کی ٹیم تیار ہے اور اچھا پرفارم کرے گی۔

یاد رہے کہ دونوں ٹیمیں 2007 کے بعد پہلی بار مختصر فارمیٹ میں ٹکرائیں گے، میچ پاکستانی وقت کے مطابق کل رات 8 بجے شروع ہوگا۔


اسکاٹ لینڈ کے ہاتھوں انگلینڈ کو تاریخی شکست


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں