The news is by your side.

Advertisement

‘پاکستان ایف اے ٹی ایف گرے لسٹ سے نکلنے کیلئے اقدامات کررہا ہے’

واشنگٹن :گورنراسٹیٹ بینک ڈاکٹر رضاباقر کا کہنا ہے کہ پاکستان ایف اےٹی ایف گرےلسٹ سےنکلنےکیلئےاقدامات کررہاہے اور آئی ایم ایف سے اچھے اندازمیں مذاکرات چل رہے ہیں۔

تفصیلات کے مطابق واشنگٹن میں گورنراسٹیٹ بینک ڈاکٹر رضاباقر نے صحافیوں سے گفتگو کرتے ہوئے کہا پاکستان ایف اےٹی ایف گرےلسٹ سے نکلنے کیلئےاقدامات کررہاہے، پہلےخدشہ تھا کہیں گرے کے بجائےبلیک لسٹ میں نام نہ آجائے۔

ڈاکٹر رضاباقر کا کہنا تھا کہ اسٹیٹ بینک ترمیمی بل پہلی بارمتعارف نہیں کروایاگیا، اس سےپہلے5باراسٹیٹ بینک ترمیمی بل لایا گیا، بل پربحث ہوگی، چاہتے ہیں جوبل ملک کےفائدےمیں ہووہی پاس ہو۔

گورنراسٹیٹ بینک نے کہا کہ 2015میں اسٹیٹ بینک ایکٹ پاس ہواتھا،مانٹری پالیسی کمیٹی تشکیل دی گئی، وہ بل بھی خودمختاری کی طرف ایک قدم تھا، آئی ایم ایف سے رابطہ رہتا ہےاور تکنیکی حوالوں پربات چیت رہتی ہے۔

آئی ایم ایف سے مذاکرات کے حوالے سے ان کا کہنا تھا کہ آئی ایم ایف سےاچھےاندازمیں مذاکرات چل رہےہیں، آئی ایم ایف کے اہداف ہمارے بھی اہداف ہیں، یہ اہداف،ٹیکس نادندگان کوٹیکس نیٹ میں لاناشامل ہے۔

روشن ڈیجیٹل اکاؤنٹ سے متعلق رضا باقر نے بتایا کہ روشن ڈیجیٹل اکاؤنٹ سےبیرون ملک پاکستانیوں نےفائدہ اٹھایا، اب تک ایک لاکھ 80ہزارپاکستانی فائدہ اٹھاچکےہیں، روز انہ تقریباً 800 سے ایک ہزارنئے اکاؤنٹ کھل رہے ہیں۔

Comments

یہ بھی پڑھیں