The news is by your side.

Advertisement

آسٹریلیا کے خلاف ون ڈے سیریز: قومی کرکٹ ٹیم آج یو اے ای روانہ ہوگی

کراچی: پاکستان کرکٹ ٹیم آسٹریلیا کے خلاف پانچ ایک روزہ میچوں کی سیریز کے لیے آج متحدہ عرب امارات روانہ ہوگی۔

تفصیلات کے مطابق قومی کرکٹ ٹیم کے کھلاڑی آسٹریلیا کے خلاف ون ڈے سیریز کے لیے آج یو اے ای روانہ ہوں گے۔

پاکستان اور آسٹریلیا کے درمیان 5 ون ڈے میچز پر مشتمل سیریز کا پہلا میچ 22 مارچ کو کھیلا جائے گا

آسٹریلیا کے خلاف ون ڈے سیریز میں قومی کرکٹ ٹیم کی قیادت شعیب ملک کریں گے، سرفراز احمد کو آرام دیا گیا ہے۔

قومی کرکٹ ٹیم کے 16 رکنی اسکواڈ میں شعیب ملک کپتان، امام الحق، عمراکمل، شان مسعود، عماد وسیم، حارث سہیل، فہیم اشرف، محمد عامر، جنید خان، عثمان خان شنواری، محمد عباس، سعد علی، یاسر شاہ اور محمد حسنین شامل ہیں۔

16 رکنی قومی اسکواڈ میں امام الحق، شان مسعود، عمر اکمل، حارث سہیل، عماد وسیم، فہیم اشرف، محمد عامر، جنید خان، محمد عباس، عثمان خان شنواری، یاسر شاہ، سعد علی اور محمد حسنین، عابد علی اور محمد رضوان شامل ہیں۔

واضح رہے کہ اس سے قبل شعیب ملک کی سربراہی میں 38 ایک روزہ میچز کھیلے گئے جس میں سے 25 میں وہ فتح یاب ہوئے جبکہ 13 میں انہیں شکست کا سامنا کرنا پڑا ، اس حساب سے ان کی فتح کا تناسب بہت عمدہ ہے۔

Comments

comments

یہ بھی پڑھیں