site
stats
پاکستان

تحریک انصاف28 ستمبرکولاہورمیں ریلی نکالے گی

لاہور: پاکستان تحریک انصاف کے چیئرمین عمران خان نے 28 ستمبر کو لاہور میں ریلی نکالنے کا فیصلہ کرلیا، کپتان ریلی کی قیادت کرتے ہوئے 13 حلقوں کا دورہ کریں گے۔

تفصیلات کے مطابق تحریک انصاف کے مرکزی میڈیا ڈیپارٹمنٹ نے اعلان کیا ہے کہ پی ٹی آئی کے زیر اہتمام 28 ستمبر کو لاہور میں ریلی نکالی جائے گی۔

تحریک انصاف پنجاب کے رہنما اعجاز چوہدری نے کہا کہ چیئر مین عمران خان گلی گلی جا کر لاہورکے عوام کو رائے ونڈ مارچ کی دعوت دیں گے۔

تحریک انصاف کے مرکزی میڈیا ڈیپارٹمنٹ کا کہنا ہے کہ چیئرمین تحریک انصاف نے فیصل واوڈا کو رائیونڈ مارچ کامیاب بنانے کی ذمہ داری سونپی ہے، مرکزی قیادت نے حکومتی حربوں کا مقابلہ کرنے کیلئے مکمل منصوبہ بندی کر رکھی ہے۔

کسی بھی قسم کی صورتحال سے نمٹنے کیلئے پوری طرح تیار ہیں، اس حوالے سے کسی قسم کا ابہام ہے نہ اس کی کوئی گنجائش موجود ہے۔

مرکزی میڈیا ڈیپارٹمنٹ نے متنبہ کیا ہے کہ اگر حکومت نے پر امن احتجاج کی راہ میں رکاوٹیں ڈالنے کی کوشش کی تو نتائج کی خود ذمہ دار ہو گی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top