راولپنڈی : پاکستان نے آبدوزسے فائر کئے جانیوالے پہلے کروز میزائل ’’ بابر تھری‘‘ کا کامیاب تجربہ کیا ہے، یہ میزائل 450 کلومیٹر تک کے ہدف کو کامیابی سے نشانہ بنانے کی اہلیت رکھتا ہے۔
ڈی جی آئی ایس پی آر میجر جنرل آصف غفور کی طرف سے جاری بیان کے مطابق پاکستان نے آبدوز سے فائر کئے جانیوالے پہلے کروز میزائل ’’ بابر تھری‘‘ کا کامیاب تجربہ کیا ہے جو 450 کلو میٹر تک ہدف کو کامیابی سے نشانہ بنا سکتا ہے۔
#Pakistan successfully test fired first Submarine launched Cruise Missile Babur-3. Rg 450 Km. #COAS congrats Nation and the team involved. pic.twitter.com/YRNei5oF65
— Maj Gen Asif Ghafoor (@OfficialDGISPR) January 9, 2017
آئی ایس پی آر کے مطابق میزائل کا تجربہ پاکستان کے سمندری حدود میں کیا گیا اور زیر آب موبائل پلیٹ فارم سے داغے گئے میزائل نے انتہائی کامیابی سے اپنے ہدف کو نشانہ بنایا۔
یاد رہے ’’ بابر تھری‘‘ میزائل زمین سے مار کرنیوالے کروز میزائل ’’ بابر ٹو‘‘ کا نیا ورژن ہے جو سمندر سے ہدف کو نشانہ بناتا ہے یاد رہے کہ بابر ٹو کا گزشتہ برس دسمبر میں کامیاب تجربہ کیا گیا تھا۔
ذرائع کے مطابق ’’ بابر تھری‘‘ میزائل اسٹیٹ آف دی آرٹ ٹیکنالوجیز سے لیس ہے جس میں انتہائی جدید گائیڈینس اینڈ نیوی گیشن فیچرز موجود ہیں،یہ میزائل مختلف اقسام کے ہتھیار لے جانے کی صلاحیت رکھتا ہے۔
CJCSC Gen Zubair Mahmood Hayat, Chief of Air Staff and Chief of Naval Staff also congratulate Nation and the team on land mark achievement.
— Maj Gen Asif Ghafoor (@OfficialDGISPR) January 9, 2017
اس صلاحیت کا حصول پاکستان کی جانب سے ایک بڑے سنگ میل تک پہنچنے کا ثبوت اورپڑوس میں اپنائی جانیوالی نیوکلیئر اسٹریٹیجز کے موزوں ردعمل کی حکمت عملی کا اظہار ہے۔
آئی ایس پی آر کے مطابق چیئرمین ج وائنٹ چیفس آف اسٹاف کمیٹی جنرل زبیر محمود حیات ،ڈی جی اسٹرٹیجک پلانز ڈویژن لیفٹیننٹ جنرل مظہر جمیل ، کمانڈر نیول اسٹرٹیجک فورس کمانڈ ، سائنسی اسٹرٹیجک اداروں کے افسروں اور سائنسدانوں نے میزائل تجربہ دیکھا۔
President Mamnoon Hussain and Prime Minister Mian Muhammad Nawaz Sharif congratulate Nation and the team on successful test fire of Babur-3.
— Maj Gen Asif Ghafoor (@OfficialDGISPR) January 9, 2017
دوسری جانب سے چیئرمین جوائنٹ چیفس آف اسٹاف کمیٹی جنرل زبیر محمود حیات ، چیف آف آرمی اسٹاف جنرل قمر جاوید باجوہ چیف آف ایئر اسٹاف اور چیف آف نیول اسٹاف نے بھی اس غیر معمولی کامیابی پر قوم اور ٹیم کو مبارکباد دی ہے۔
اس کے علاوہ صدر مملکت ممنون حسین اور وزیراعظم پاکستان نواز شریف نے بھی بابر تھری کے کامیاب تجربے پر قوم کو مبارک باد اور میزائل تیار کرنے والی پوری ٹیم کو خراج تحسین پیش کیا ہے۔
