اسلام آباد: ملک بھر میں کرونا وائرس کے مزی 348 نئے کیسز رپورٹ ہوئے جبکہ 6 مزید اموات ہوئیں، ملک میں ویکسین کی پہلی ڈوز حاصل کرنے والے افراد کی تعداد 9 کروڑ سے تجاوز کرگئی۔
تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 6 مریض انتقال کر گئے جس کے بعد کرونا وائرس سے مجموعی اموات کی تعداد 28 ہزار 918 ہوگئی۔
این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 348 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 12 لاکھ 94 ہزار 379 ہوگئی۔
یہ بھی پڑھیں: 24 گھنٹے میں کرونا وائرس کے 200 سے زائد نئے کیسز رپورٹ
این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 0.87 فیصد رہی، ملک بھر کے 631 اسپتالوں میں کرونا وائرس کے 648 مریض تشویشناک حالت میں ہیں۔
این سی او سی کے مطابق گزشتہ 24 گھنٹوں کے دوران کرونا وائرس کے 39 ہزار 739 ٹیسٹ کیے گئے، اب تک ملک میں 2 کروڑ 32 لاکھ 81 ہزار 148 کووڈ 19 ٹیسٹ ہوچکے ہیں۔
Statistics 29 Dec 21:
Total Tests in Last 24 Hours: 39,739
Positive Cases: 348
Positivity %: 0.87%
Deaths :6
Patients on Critical Care: 648— NFRCC (@NFRCCofficial) December 29, 2021
