The news is by your side.

Advertisement

ورلڈکپ کے لیے قومی کرکٹ ٹیم کا اعلان آج کیا جائے گا

لاہور: آئی سی سی کرکٹ ورلڈ کپ 2019 کے لیے قومی کرکٹ ٹیم کے 15 رکنی اسکواڈ کا اعلان آج کیا جائے گا۔

تفصیلات کے مطابق دنیائے کرکٹ کے سب سے بڑے ٹورنامنٹ ورلڈکپ کے لیے پاکستان کرکٹ ٹیم کا اعلان آج کیا جائے گا۔

آئی سی سی کرکٹ ورلڈ کپ 2019 کے لیے منتخب کردہ 23 کھلاڑیوں کا فٹنس ٹیسٹ 15 اپریل کو لیا گیا اور ان میں مکمل طور پرفٹ کھلاڑیوں پرمشتمل ورلڈکپ ٹیم تیار کی جائے گی۔

ترجمان پاکستان کرکٹ بورڈ کے مطابق ورلڈکپ کے لیے منتخب ہونے والے ممکنہ 15 رکنی اسکواڈ کے ساتھ 2 ریزرو کھلاڑی بھی ہوں گے۔

ورلڈکپ 2019 کا آغاز 30 مئی سے ہوگا اور ایونٹ کا افتتاحی میچ میزبان انگلینڈ اور جنوبی افریقہ کے درمیان کھیلا جائے گا۔

دنیا بھر میں ٹیموں کا اعلان ہو رہا ہے، یہاں تماشا لگایا جارہا ہے: وسیم اکرم

یاد رہے کہ گزشتہ روز سوئنگ کے سلطان وسیم اکرم نے پریس کانفرنس میں کہا کہ پوری دنیا میں لوگ جانتے ہیں کہ ٹیم کا اعلان کب ہوگا، پوری دنیا میں غلط تاثر جا رہا ہے، ہر جگہ ٹیموں کا اعلان ہو رہا ہے. دیکھنا ہوگا کہ وزیراعظم عمران خان کا کیا ری ایکشن آتا ہے.

Comments

comments

یہ بھی پڑھیں