واشنگٹن : امریکہ بھی بھارت کی زبان بولنے لگا، امریکا کا کہنا ہے کہ پاکستان اپنی سرزمین دیگر ممالک پر حملوں کے لیے استعمال نہ ہونے دے۔
نریندر مودی کا رنگ ڈونلدڈ ٹرمپ پر چھانے لگا، امریکہ نے مطالبہ کرتے ہوئے کہا کہ پاکستان یقینی بنائے کہ اس کی سرزمین دیگر ممالک میں دہشت گردی کی کارروائیوں کے لیے استعمال نہ ہو۔
وائٹ ہاؤس نے یہ بیان بھارتی وزیرِ اعظم نریندر مودی کے امریکا سے جانے کے بعد دیا۔
بیان کے مطابق صدر ٹرمپ اور وزیراعظم مودی نے پاکستان سے مطالبہ کیا کہ وہ دو ہزار آٹھ کے ممبئی حملوں اور پٹھان کوٹ کے فضائی اڈے پر حملہ کرنے والوں کو جلد از جلد قانون کے کٹہرے میں لا کر سزا دے۔
مزید پڑھیں : ٹرمپ نے بھارت کو امریکا کا سچا دوست قرار دیدیا
دوسری جانب اکستان کے دفترِ خارجہ نے اپنے ردعمل میں کہا ہے کہ کسی بھی قسم کی دہشت گردی کے خلاف جنگ میں پاکستان کا عزم واضح رہا ہے اور پاکستانی حکومت اور عوام نے اس کے خاتمے کے لیے جان و مال کی وہ بڑی قربانیاں دی ہیں۔
یاد رہے کہ وائٹ ہاؤس میں بھارتی وزیراعظم سے ملاقات کے بعد امریکی صدر ٹرمپ نے بھارت کو امریکا کا سچا دوست قرار دیتے ہوئے کہا کہ امریکا اور بھارت کے درمیان اس وقت بہترین تعلقات ہیں، امریکی اور بھارتی افواج دہشتگردی کے خلاف مل کرکام کررہی ہیں۔
