اسلام آباد: چینی سفیر یاؤ جنگ نے اسلام آباد میں جدید آئسولیشن اور وبائی امراض کے اسپتال کی 40 روز کی ریکارڈ مدت میں تعمیر کو معجزہ قرار دیتے ہوئے کہا ہے کہ پختہ یقین ہے پاکستان کورونا وبا سے بہت جلد چھٹکارا پالے گا۔
تفصیلات کے مطابق وزیراعظم عمران خان نے جمعرات کے روز اسلام آباد میں آئسولیشن اسپتال اوروبائی امراض کے جدید اسپتال کا افتتاح کیا اس موقع پرآرمی چیف جنرل قم جاوید باجوہ، چینی سفیر یاو جنگ، وزیراطلاعات شبلی فراز اور وزیرمنصوبہ بندی اسدعمر اور دیگر حکام بھی موجود تھے۔
خصوصی اسپتال250بیڈز پرمشتمل ہے، این ڈی ایم اے نے کورونا سے نمٹنےکے لئے اسپتال 40 دن کی ریکارڈ مدت میں تعمیر کیا ہے، اسپتال کی تعمیر سے وفاقی دارالحکومت کے اسپتالوں میں مریضوں کا دباؤ کم ہوگا۔
وزیر اعظم عمران خان نے آج آئسولیشن ہسپتال اور انفیکشنز ٹریٹمنٹ سنٹر اسلام آباد کا افتتاح کیا۔ نیشنل ڈیزاسٹر مینجمنٹ اتھارٹی ( ANDM) اور نیشنل انسٹی ٹیوٹ آف ہیلتھ(NIH) کی جانب سے کلیدی بنیادوں پر آئسولیشن ہسپتال اور انفیکشنز ٹریٹمنٹ سنٹر (IHITC) تعمیر کیا گیا۔ pic.twitter.com/KsLdEOeEeD
— Prime Minister's Office (@PakPMO) July 9, 2020
آئسولیشن اسپتال کی تعمیر پر چینی سفیر یاؤ جنگ نے کہا ہے کہ فخر ہےآئسولیشن اسپتال کی افتتاحی تقریب میں شریک ہوں، اسپتال کم مدت میں بناناپاکستانی حکومت کےلئےمعجزہ ہے۔
چینی سفیر نے بیان میں کہا کہ کوروناسےمتعلق این سی اوسی جوکام کررہاہےاس کامشاہدہ کیا، این سی اوسی کاکمانڈنگ سسٹم کوروناکوکنٹرول میں مدد دے رہا ہے اور پختہ یقین ہےپاکستان کوروناوباسےبہت جلدچھٹکارا پالےگا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں