تازہ ترین

اٹلی کا پاکستان کو آسان شرائط پر ایک ارب 20 کروڑ روپے کا قرض دینے کا اعلان

پشاور : اٹلی نے محکمہ آرکیالوجی کیلئےآسان شرائط پر ایک ارب 20 کروڑ قرض دینےکااعلان کیا ، قرض سے آرکیالوجیکل سائٹس کو محفوظ اورلیبارٹریاں قائم کی جائیں گی۔

تفصیلات کے مطابق سینئر وزیر عاطف خان سے اٹلی کے سفیر سٹیفانو پونٹا کارو کی ملاقات ہوئی ، ملاقات میں اٹلی نے محکمہ آرکیالوجی کیلئےآسان شرائط پر ایک ارب 20 کروڑ قرض دینےکااعلان کیا ، قرض سے آرکیالوجیکل سائٹس کو محفوظ اورلیبارٹریاں قائم کی جائیں گی۔

اٹلی کے سفیر نے کہا آرکیالوجیکل اسپیشل پولیس کو اٹلی کی پولیس تربیت دےگی، پولیس صوبے میں نوادرات کی اسمگلنگ کی روک تھام میں مدد فراہم کرے گی جبکہ ضم شدہ قبائلی اضلاع کی ترقی کیلئے بھی فنڈز کی یقین دہانی کرائی۔

عاطف خان کا کہنا تھا کہ کےپی میں امن وامان کی صورتحال تسلی بخش ہے، حکومت سیاحت کو فروغ دینےکےلئےسنجیدہ اقدامات کررہی ہے، ضم شدہ قبائلی اضلاع میں سیاحت کے شعبے میں بے پناہ مواقع ہیں۔

یاد رہے گذشتہ ماہ زلفی بخاری سے پاکستان میں تعینات اطالوی سفیر نے خصوصی ملاقات ہوئی تھی، جس میں اٹلی نے پاکستانی سیاحت کے فروغ کے لیے تکنیکی معاونت فراہم کرنے کی پیشکش کی تھی۔

مزید پڑھیں : پاکستان میں سیاحت کے فروغ کیلئے اٹلی کی معاونت، اربوں ڈالر کا فائدہ ہوگا

اس موقع پر اطالوی سفیر کا کہنا تھا کہ موجودہ حکومت سیاحت کے فروغ کے لیے سنجیدہ اقدامات کررہی ہے، اٹلی پاکستان میں سیاحتی منصوبوں میں تعاون کا خواہاں ہے، دوطرفہ تعلقات کی مضبوطی کے لیے مزید اقدامات کریں گے۔

دریں اثنا زلفی بخاری نے کہا تھا کہ سیاحت کا شعبہ وزیر اعظم کے دل کے بہت قریب ہے، سیاحت کے فروغ کے لیے اہم اور بڑے فیصلے کیے ہیں، برانڈ پاکستان کی تشکیل کا کام بھی جلد مکمل ہوجائے گا، سیاحتی ترقی سے ملکی معیشت میں 20ارب ڈالر کا اضافہ ہوگا۔

ان کا کہنا تھا کہ اٹلی شمالی علاقوں میں سیاحتی سرگرمیاں بڑھانے کی تیاری شروع کردے، کرتارپورکوریڈور پاکستان میں مذہبی سیاحت کے فروغ کی اہم کڑی ہے، کرتارپور کے اقدام سے دنیا میں پاکستان کا مثبت تشخص سامنے آیا۔

Comments

- Advertisement -