تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ایشیا کبڈی کپ اور ورلڈ کبڈی کپ کی میزبانی پاکستان کو مل گئی

اسلام آباد: ایشیا کبڈی کپ 2022 اور ورلڈ کبڈی کپ 2024 کی میزبانی پاکستان کو مل گئی۔

تفصیلات کے مطابق پاکستان کبڈی فیڈریشن کے سیکریٹری نے پریس کانفرنس میں کہا ہے کہ ایشیا کبڈی کپ 2022 اور ورلڈ کبڈی کپ 2024 کی میزبانی پاکستان کے حصے میں آ گئی ہے۔

سیکریٹری کبڈی فیڈریشن محمد سرور رانا نے کہا سیف گیمز میں بھی کبڈی ایونٹ شامل کیا گیا ہے، رواں سال کبڈی کے متعدد ایونٹس کا انعقاد کرنے جا رہے ہیں۔

ان کا کہنا تھا کرتارپور میں پاکستان اور بھارت کی کبڈی ٹیموں میں میچز ہوں گے، دونوں ٹیموں کے مابین 3 میچز کھیلے جائیں گے، روزانہ میچ کے بعد بھارتی ٹیم واپس اپنے ملک چلی جائے گی۔

محمد سرور رانا نے کہا دنیا بھر کے سکھ کرتارپور میں ٹیموں کے مابین میچز کے منتظر ہیں۔

پاکستان بھارت کو ہرا کر پہلی بار کبڈی ورلڈ کپ کا چیمپئن بن گیا

یاد رہے لاہور میں کبڈی ورلڈ کپ 2020 کے فائنل میں پاکستان بھارتی ٹیم کو شکست دے کر پہلی بار کبڈی کا عالمی چیمپئن بن گیا تھا، کبڈی ورلڈ کپ کے فائنل میں پاکستان نے سنسنی خیز مقابلے کے بعد بھارت کو پچھاڑا اور بھارت کو 41 کے مقابلے میں 43 پوائنٹس سے شکست دی تھی۔

16 فروری 2020 کو بھارتی ٹیم کبڈی ورلڈ کپ کے ٹائٹل کا دفاع کرنے میں ناکام رہی تھی، بھارتی ٹیم 6 مرتبہ ورلڈ کپ کی فاتح رہ چکی ہے اور یہ اس کی پہلی شکست تھی۔

Comments

- Advertisement -