اسلام آباد : کم پیسوں میں اپنا گھر بنانے کے خواہشمند افراد کے لئے اسکیم کی منظوری دے دی گئی ، 20 سے 35 لاکھ کا قرضہ 20 سال کی مدت کے لیے دینے کی تجویز کی گئی ہے۔
تفصیلات کے مطابق وزیرخزانہ محمداورنگزیب کی زیر صدارت اقتصادی رابطہ کمیٹی کا اجلاس ہوا، کمیٹی نے سستے گھروں کے لیے سبسڈی اور رسک شیئرنگ اسکیم منظور کرلی اور وزارت ہاؤسنگ کو مربوط ڈیٹابیس بنانے کی ہدایت کی ہے۔
وزارت خزانہ نے بتایا کہ ملک میں لو کاسٹ ہاؤسنگ کو فروغ دیا جائے گا، حکومت 50 لاکھ گھروں کی تعمیر کے لیے سبسڈی فراہم کرے گی، 20 سے 35 لاکھ کا قرضہ 20 سال کی مدت کے لیے دینے کی تجویز کی گئی ہے۔
مزید پڑھیں : گھر خریدنے کے خواہشمند افراد کیلئے قرضہ اسکیم متعارف
اجلاس میں ماحولیاتی پالیسی نے پاکستان کی گرین ٹیکسونومی کی منظوری دے دی، ماحول دوست منصوبوں کے لیے مالی معاونت کی راہ ہموارہوگی۔
کابینہ کی اقتصادی رابطہ کمیٹی نے ویجی ٹیبل گھی کی مقامی سطح پر قیمتوں میں کمی نہ ہونے پر تشویش کا اظہار کرتے ہوئے قیمتوں میں کمی کیلئے مانیٹرنگ سخت کرنےکی ہدایت کردی۔
اجلاس میں شپ بریکنگ کوباقاعدہ صنعت کادرجہ دےدیاگیا ، شپ بریکنگ کیلئے صنعتی شعبے کے بجلی نرخوں کی دوبارہ سے نظرثانی کی ہدایت کردی گئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں