اسلام آباد: پاکستان نے منی لانڈرنگ سے متعلق جنوبی افریقہ سے ایم او یو کرنے کا فیصلہ کیا ہے، ایم او یو کے تحت منی لانڈرنگ کیسوں سے متعلق فنانشل انٹیلی جنس کا تبادلہ ہوگا جبکہ دہشت گردی کی فنانسنگ کے حوالے سے بھی معلومات کا تبادلہ کیا جائے گا۔
تفصیلات کے مطابق فنانشل ایکشن ٹاسک فورس (ایف اے ٹی ایف) کی گرے لسٹ سے نکلنے کے بعد بھی پاکستان کے اقدامات جاری ہیں، پاکستان نے منی لانڈرنگ سے متعلق جنوبی افریقہ سے ایم او یو کرنے کا فیصلہ کیا ہے۔
ذرائع کا کہنا ہے کہ دہشت گردوں کی مالی معاونت روکنے کے لیے معلومات کا تبادلہ بھی ایم او یو کا حصہ ہے، کابینہ نے جنوبی افریقہ کے ساتھ ایم او یو کی منظوری دے دی۔
فنانشل مانیٹرنگ یونٹ اور فنانشل انٹیلی جنس سنٹر ایم او یو پر دستخط کریں گے، ایم او یو کے تحت منی لانڈرنگ کیسوں سے متعلق فنانشل انٹیلی جنس کا تبادلہ ہوگا جبکہ دہشت گردی کی فنانسنگ کے حوالے سے بھی معلومات کا تبادلہ کیا جائے گا۔
ذرائع کا مزید کہنا ہے کہ وزارت قانون و انصاف سے ایم او یو کے مسودے کی توثیق لی جاچکی ہے جبکہ وزارت خارجہ سے بھی مفاہمت کی یادداشت سے متعلق این او سی حاصل کیا جا چکا ہے۔
