The news is by your side.

Advertisement

پاکستان ایف اے ٹی ایف کو ایکشن پلان پر عملدرآمدی رپورٹ 15اپریل کو پیش کرےگا

اسلام اباد : پاکستان فنانشل ایکشن ٹاسک فورس کےگرے لسٹ سےنکلنے اور دہشت گردوں کی مالی معاونت روکنے کیلئے اقدامات میں پیشرفت سے متعلق رپورٹ 15 اپریل کو پیش کرے گا۔

تفصیلات کے مطابق نانشل ایکشن ٹاسک فورس کا اجلاس جون میں ہوگا جس میں پاکستان کی کارکردگی کا تفصیلی جائزہ لیا جائے گا اور پاکستان ایکشن پلان پر عملدرآمدی رپورٹ 15 اپریل کو پیش کرےگا۔

وزارت داخلہ نےنیکٹا،ایف آئی اے،کسٹمزسےرپورٹ طلب کرلی جبکہ ایس ای سی پی سمیت دیگرمتعلقہ اداروں کوبھی رپورٹ دینےکی ہدایت کی ہے اور کہا ہے ہوم سیکرٹریزصوبوں میں نچلی سطح پراقدامات سےآگاہ کریں۔

ذرائع کے مطابق یہ پاکستان کی طرف سے فنانشل ایکشن ٹاسک فورس کو جمع کروائی گئی تیسری عملدرآمدی رپورٹ ہوگی، پاکستان کی طرف سے پہلی رپورٹ اگست اٹھارہ جبکہ دوسری جنوری انیس میں جمع کروائی گئی جبکہ چوتھی عملدرآمدی رپورٹ جولائی میں جمع کروائی جائے گی۔

ذرائع کے مطابق فیٹف ایکشن پلان پر عملدرآمد کے جائزہ کے لئے ایشیا بحرالکاہل مشترکہ گروپ کا اجلاس اگلے ماہ تیرہ تاریخ کوہوگا، ستائیس نکاتی فیٹف ایکشن پلان پر مکمل عملدرآمد ستمبر 2019 تک کیا جانا ہے۔

مزید پڑھیں :  ایف اے ٹی ایف کے لیے اگلے 3 ماہ بہت اہم ہیں: اسد عمر

ذرائع کا کہنا ہے وزارت خزانہ، خارجہ، داخلہ، سٹیٹ بنک، سیکیورٹی اینڈ ایکسچینج کمیشن، ایف آئی اے، نیکٹا، ایف بی آر اور ایف ایم یو مل کر فیٹف ایکشن پلان پر کام کر رہے ہیں، فیٹف ایکشن پلان پر عملدرآمد کے لئے حکومت پاکستان نے چار ورکنگ گروپ بنا رکھے ہیں۔

ذرائع نے بتایا کہ ایشیا بحرالکاہل مشترکہ گروپ کو فنانشل مانیٹرنگ یونٹ کے ذریعہ عملدرآمدی رپورٹ جمع کروائی جاتی ہے، فیٹف کی طرف سے حالیہ جائزے کے بعد یو این لسٹڈ تنظیموں اور افراد کے خلاف سخت کاروائی کی ہدایت کی گئی ہے۔

ٹیررفنانسنگ رسک تخمینہ، کیش سمگلنگ اور اینٹی منی لانڈرنگ قوانین پر سختی سے عملدرآمد کی ہدایت کی گئی ہے، کالعدم تنظیموں کی سرگرمیوں، وسائل، فنڈنگ کو مکمل روکا جائے اور اکاونٹس منجمند کئے جائیں۔

اینٹی منی لانڈرنگ قوانین کے حوالے سے عملدرآمد بارے مالیاتی اداروں کی کڑی نگرانی کی جائے، عوام کو آگاہی فراہم کی جائے کہ کالعدم تنظیموں کو چندہ اور عطیات مت دیں۔

Comments

comments

یہ بھی پڑھیں