کراچی: پاکستان اور جنوبی افریقہ کے درمیان جاری کراچی ٹیسٹ کے تیسرے دن کا کھیل ختم ہوگیا، جنوبی افریقہ نے پاکستان کے خلاف 29 رنز کی برتری حاصل کرلی۔
تفصیلات کے مطابق کراچی ٹیسٹ کے تیسرے روز کھیل کے اختتام پر جنوبی افریقہ نے 4 وکٹوں کے نقصان پر 187 رنز بنالیے، جنوبی افریقہ کو پاکستان کے خلاف 29 رنز کی برتری حاصل ہوگئی۔
کیشو مہاراج 2 اور ڈی کاک بغیر کوئی رن بنائے وکٹ پر موجود ہیں۔
پاکستان کی جاب سے لیگ اسپنر یاسر شاہ نے تین اہم وکٹیں حاصل کیں، نعمان علی نے ایک کھلاڑی کو پویلین کی راہ دکھائی۔
What a fight back from from our bowlers!
South Africa are 187-4 (lead by 29 runs)#PAKvSA | #HarHaalMainCricket | #BackTheBoysInGreenhttps://t.co/GQ3u6M0wLm pic.twitter.com/7h1GB6cSQd
— Pakistan Cricket (@TheRealPCB) January 28, 2021
اس سے قبل پاکستان کراچی ٹیسٹ میں اپنی پہلی اننگز میں 378 رنز بناکر آؤٹ ہوئی تھی، اور پاکستان کو 158 رنز کی برتری حاصل ہوئی، جواب میں پروٹیز نے اپنی دوسری اننگز کا محتاط آغاز کیا ، پاکستان کو پہلی کامیابی 48 رنز کے مجموعی اسکور پر ملی جب ڈین ایلگر 29 رنز بناکر آؤٹ ہوئے، یاسر شاہ نے انکی اننگز کا خاتمہ کیا۔
نیشنل اسٹیڈیم کراچی میں جنوبی افریقہ اور پاکستان کے درمیان تیسرے کھیل کا آغاز ہوا تو پاکستانی ٹیل اینڈرز نے برق رفتاری سے رنز بنانے کی کوشش کی، اسی کوشش میں فاسٹ بولر حسن علی 23 رنز بناکر آؤٹ ہوئے، مگر اس وقت تک قومی ٹیم کا مجموعی اسکور 323 تک جاپہنچا تھا۔
یاسر شاہ اور ڈیبیو کرنے والے فاسٹ بولر نعمان نے آخری وکٹ کی شراکت میں 55 رنز بنائے اور پاکستان کی برتری کو مزید مستحکم کیا، تاہم نعمان علی 24 رنز بناکر ہمت ہار گئے۔
یاسر شاہ 38 رنز بناکر ناٹ آؤٹ رہے، پاکستان کی جانب سے فواد عالم 109، فہیم اشرف 64، اظہر علی 51 رنز بناکر نمایاں رہے،جنوبی افریقہ کی جانب سے کاگیسو ربادا اور کیشو مہارا نے 3، تین وکٹیں حاصل کیں، نگیدی اور نورٹ جی کے حصے میں دو دو وکٹ آئیں۔
اس سے قبل جنوبی افریقہ کی ٹیم اپنی پہلی اننگز میں 220 رنز بناکر آؤٹ ہوگئی تھی۔
