اسلام آباد : متحدہ عرب امارات اور پاکستان کے مابین تعاون کے تیسرے مرحلے میں مخلتف منصوبوں کے لیے دونوں ممالک نے 2 ارب ڈالر کے منصوبوں کے معاہدوں پر کیے۔
تفصیلات کے مطابق پیر کے روز متحدہ عرب امارات اور پاکستان کے درمیان تعاون کے تیسرے مرحلے کا آغاز کردیا گیا ہے جس کے لیے دونوں ممالک کے وفود کےمابین 2 ارب ڈالر کے معاہدوں پر دستخط کیے گئے ہیں۔
متحدہ عرب امارات اور پاکستان کے ابوظہبی کے ترقیاتی فنڈ سے چلنے والے منصوبوں کے تیسرے مرحلے کے لیے ڈائریکٹر عبداللہ خلیفہ ال غافی اور ملٹری کالج برائے انجینئرنگ کے کمانڈنٹ میجر جنرل انور الحق چوہدری نے معاہدوں پر دستخط کیے۔
ملکی خبر رساں اداروں کی رپورٹ کے مطابق اس موقع پر پاک فوج کے چیف آف آرمی اسٹاف جنرل قمر جاوید باجوہ اور پاکستان میں تعینات متحدہ عرب امارات کے سفیر حمّاد عبید الزابی بھی موجود تھے۔
پاکستانی میڈیا کا کہنا تھا کہ متحدہ عرب امارات کے مذکورہ منصوبے کا مقصد پاکستان کے شہریوں کی امداد اور پاکستان کے بہتر مستقبل کے لیے ترقیاتی کاموں میں مدد تعاون فراہم کرنا ہے۔
میڈیا رپورٹس کے مطابق مذکورہ منصوبوں کا مقصد ملک میں جاری ترقیاتی کاموں کی تعمیل کرنا ہے جو طویل مدت تک آمدنی والے افراد کو پایئداری اور فائدہ پہنچائے گا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
