اسلام آباد: وزیراعظم شہباز شریف کا کہنا ہے کہ متحدہ عرب امارات اور پاکستان کے تاریخی تعلقات پر فخر ہے۔
اے آر وائی نیوز کے مطابق متحدہ عرب امارات کے صدر شیخ محمد بن زاید النہیان اور وزیراعظم شہباز شریف کی ملاقات ہوئی جس میں مختلف شعبوں میں باہمی تعاون کے فروغ پر تبادلہ خیال کیا گیا۔
وزیراعظم اور یو اے ای کے صدر کے درمیان معیشت، تجارت اور ترقی کے شعبوں میں بھی تعاون پر غور کیا گیا۔
ملاقات میں پاکستان اور یو اے ای کے تاریخی تعلقات، مشترکہ تعاون کو بڑھانے کا بھی جائزہ لیا گیا۔
قبل ازیں یواے ای کے صدر شیخ محمد بن زید النہیان کا طیارے چاندانہ ایئرپورٹ رحیم یار خان پر لینڈ کیا،وزیراعظم شہباز شریف اور وفاقی وزرا نے ایئرپورٹ پر معزز مہمان کا استقبال کیا۔
Comments
- Advertisement -
