The news is by your side.

Advertisement

پاک برطانیہ امیگریشن معاہدہ، مثبت پیش رفت سامنے آگئی

اسلام آباد: پاک برطانیہ دو طرفہ امیگریشن معاہدے پر مذاکرات حتمی مراحل میں داخل ہوگئے۔

برطانوی ہائی کمیشن کے مطابق برطانوی سیکریٹری میتھیو رئیکرافٹ نے پاکستان کا 2روزہ دورہ کیا، مذاکرات کے دوران غیر قانونی امیگرنٹس سے نمٹنے کے لیے معاہدہ مکمل کر لیا گیا ہے۔

ہائی کمیشن نے بتایا کہ برطانوی سیکریٹری اور مشیرداخلہ شہزاد اکبر نے معاہدے کو عملی جامہ پہنایا۔

معاہدے کے نکات یہ ہیں کہ پاکستان اور برطانیہ میں غیرقانونی تارکین وطن کی واپسی کو یقینی بنایا جائے گا، معاہدے کو آئندہ ہفتے پاکستان کی وفاقی کابینہ کے سامنےپیش کیا جائے گا۔

دوطرفہ معاہدے پر عمل درآمد رواں ماہ سے شروع کیا جائے گا، کابینہ منظوری کے بعد پاکستان اور برطانیہ مشترکہ مجرمانہ ریکارڈ بنائیں گے، دونوں ممالک کے قانون نافذ کرنے والے ادارے ایک دوسرے سے تعاون کریں گے۔

پاکستان اور برطانیہ کے درمیان یہ بھی طے پایا ہے کہ برطانیہ میں تعلیم مکمل کرنے والے طلبا کو نوکریوں کے حصول میں سہولت دی جائے گی۔

برطانوی ہائی کمیشن کا کہنا ہے کہ امیگریشن معاملے پر برطانیہ پاکستان سے تعاون جاری رکھے گا۔

Comments

یہ بھی پڑھیں