پاکستان کا برمامیں مسلمانوں کے قتل میں ملوث افراد کوانصاف کے کٹہرے میں لانے کا مطالبہ -
The news is by your side.

Advertisement

پاکستان کا برمامیں مسلمانوں کے قتل میں ملوث افراد کوانصاف کے کٹہرے میں لانے کا مطالبہ

اسلام آباد : پاکستان نے برما میں مسلمانوں کے قتل میں ملوث افراد کو انصاف کے کٹہرے میں لانے کا مطالبہ کردیا۔

تفصیلات کے مطابق ترجمان دفترخارجہ نفیس زکریا نے روہنگیا مسلمانوں کے قتل عام کی خبروں پر ردعمل کا اظہار کرتے ہوئے کہا ہے کہ روہنگیا مسلمانوں کی ہلاکتوں،جبری گمشدگی کی خبروں پر تشویش ہے ، عیدالاضحی کے موقع پرایسی خبریں تشویش اورغم کا باعث ہیں۔

نفیس زکریا نے کہا کہ روہنگیا مسلمانوں کا قتل عام ، نقل مکانی اور ان کے گھروں کو جلانے کے واقعات تشویشناک ہیں، انھوں نے مطالبہ کیا کہ قتل عام میں ملوث افراد کو کٹہرے میں لایاجائے اور میانمار کے حکام روہنگیا مسلمانوں کے قتل عام کی تحقیقات کریں۔

ترجمان کا کہنا ہے کہ میانمارروہنگیا مسلمانوں کے حقوق کے تحفظ کیلئے اقدامات کرے، روہنگیامسلمانوں سے یکجہتی کیلئےعالمی برادری بالخصوص اوآئی سی سے ملکر کام کرینگے۔


مزید پڑھیں : برما: 7 دن میں 400 روہنگیا مسلمان قتل، 40 ہزار گھروں کو چھوڑ گئے


یاد رہے کہ حالیہ کشیدگی کے بعد صرف ایک ہفتے میں 400 روہنگیا مسلمانوں کو قتل کردیا گیا جبکہ جان بچانے کے لیے بنگلہ دیش آنے والے مظلوم مہاجرین کی تعداد 40 ہزار تک پہنچ گئی ہے۔

روہنگیا مسلمانوں کا کہنا تھا کہ مزاحمت کاروں کے بہانے انہیں زبردستی بے دخل کیا جا رہا ہے دوسری جانب برما حکومت کے مطابق وہ علاقے سے مزاحمت کاروں کو باہر نکال رہی ہے تاکہ عام شہریوں کا تحفظ کیا جا سکے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں