امریکہ مسئلہ کشمیرکےحل کےلیےکرداراداکرے‘ملیحہ لودھی -
The news is by your side.

Advertisement

امریکہ مسئلہ کشمیرکےحل کےلیےکرداراداکرے‘ملیحہ لودھی

نیویارک:پاکستان نےامریکہ پرزوردیا ہے کہ وہ مسئلہ کشمیر کےحل کےلیے پاکستان اوربھارت کےدرمیان کشیدگی کے خاتمےکےلیےاپناکردارادا کرے۔

تفصیلات کےمطابق اقوام متحدہ میں پاکستان کی سفیرملیحہ لودھی نےواشنگٹن میں قائم تھنک ٹینک کی عالمی امور کونسل کے ایک ٹیلی ویژن پروگرام میں اظہارخیال کرتے ہوئے کہاکہ خطے میں پائیدارامن کے قیام کےلیےمسئلہ کشمیر کاحل ضروری ہے۔

پاکستانی سفیر ملیحہ لودھی کاکہناہےکہ مقبوضہ کشمیر کی سنگین صورت حال سے خطے میں امن اورسلامتی کو شدید خطرہ لاحق ہے۔

ملیحہ لودھی نے پاکستان اوربھارت کےدرمیان جاری کشیدگی کے حوالے سےدونوں ممالک کےدرمیان کشمیراوردوسرے مسائل کے حل کےلیےمذاکرات کی ضرورت پرزوردیا۔


مقبوضہ کشمیرکےسابق وزیراعلی نے مسئلہ کشمیر پرامریکا سے مدد مانگ لی


یاد رہےکہ گزشہ ہفتےمقبوضہ کشمیرکے سابق وزیراعلی فاروق عبداللہ نے کہا تھا کہ مسئلہ کشمیرحل کرنے کے لئے امریکا ثالثی کرے،ان کا کہناتھا مقبوضہ کشمیرکے بھارت سے الحاق میں میرے والد کا کوئی کردار نہیں تھا۔

فاروق عبداللہ کاکہنا تھا کہ مودی کو انسانیت،کشمیریت اور جمہوریت کا احساس ہے تو حریت رہنماؤں سے بات کیوں نہیں کرتے، بی جے پی اور اس کے اتحادیوں کو اقتدار کی بھوکی سیاست کی پالیسی کے تباہ کن نتائج تسلیم کرنے چاہیں۔


بھارت ہوش کےناخن لےورنہ کشمیرگنوا دےگا‘ فاروق عبداللہ


واضح رہےکہ گزشتہ دنوں مقبوضہ کشمیرکےسابق وزیراعلیٰ فاروق عبداللہ کاکہنا تھاکہ بھارت کوجاگ جانا چاہیےورنہ مقبوضہ کشمیربھی پاکستان میں شامل ہوجائےگا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Comments

comments

یہ بھی پڑھیں