تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پاک امریکا تعلقات پر جمی برف پگھلنے لگی، ہیلتھ ڈائیلاگ کا آغاز آئندہ ماہ ہوگا

اسلام آباد: پاک امریکا تعلقات پر جمی برف پگھلنے لگی ہے آئندہ ماہ سے ہیلتھ ڈائیلاگ کا آغاز ہونے والا ہے۔

وزارت صحت کے ذرائع کے مطابق پاک امریکا ہیلتھ ڈائیلاگ کا دوسرا مرحلہ اسلام آباد میں آئندہ ماہ منعقد ہوگا، امریکا نے پاکستان کو سفارتی سطح پر ہیلتھ ڈائیلاگ کے انعقاد سے آگاہ کر دیا۔

ہیلتھ ڈائیلاگ کا دوسرا فیز پاکستان کی درخواست پر شروع ہو رہا ہے، ڈائیلاگ میں شرکت کے لیے اعلیٰ سطح کا امریکی وفد آئندہ ماہ پہنچے گا، امریکی ماہرین صحت اور اسٹیٹ ڈپارٹمنٹ حکام وفد کا حصہ ہوں گے۔

ذرائع وزارت صحت کے مطابق پاک امریکا ہیلتھ ڈائیلاگ کا پہلا فیز جولائی 2022 میں امریکا میں ہوا تھا، جب کہ دوسرا فیز ستمبر 2022 میں ہونا تھا، تاہم گزشتہ حکومت میں پاک امریکا تعلقات میں خرابی کے باعث سیکنڈ فیز نہیں ہو سکا تھا، پہلے فیز میں 7 شعبوں پر بات ہوئی تھی۔

ہیلتھ ڈائیلاگ میں شعبہ صحت میں باہمی تعاون کے فروغ پر بات ہوگی، شعبوں میں متعدی و غیر متعدی امراض، نیوٹریشن اور چائلڈ ایمونائزیشن شامل ہیں، ڈائیلاگ میں سی ڈی سی، ڈرگ ریگولیٹری اتھارٹی میں اصلاحات، گلوبل ہیلتھ سیکیورٹی سروسز کی بہتری اور انٹرنیشنل ہیلتھ ریگولیشنز پر عمل درآمد کے لیے اقدامات، نیوٹریشن، ماں بچے کی صحت کے مسائل، ملیریا، ٹی بی، اور ایڈز کے خاتمے کے لیے اقدامات زیر غور آئیں گے۔

ذرائع کے مطابق پاک امریکا ہیلتھ ڈائیلاگ میں پاکستانی وفد کی قیادت وزیر صحت کریں گے، ڈی جی ہیلتھ پاکستان ڈاکٹر بصیر اچکزئی اور سی ای او ڈریپ ڈاکٹر عاصم رؤف ڈائیلاگ میں شریک ہوں گے۔ واضح رہے کہ پاک امریکا ہیلتھ ڈائیلاگ کا آغاز امریکا کی جانب سے کیا گیا تھا، ڈائیلاگ کے 9 سے زائد ورچول راؤنڈز بھی ہو چکے ہیں، پاکستان فرسٹ فیز میں درپیش چیلنجز کی نشان دہی کر چکا ہے۔

امریکا ہیلتھ ڈائیلاگ میں پاکستان کو شعبہ صحت میں ممکنہ تعاون سے آگاہ کرے گا، اور پاکستانی شعبہ صحت میں اصلاحات کے لیے معاونت، ٹیکنالوجی ٹرانسفر میں تعاون کرے گا، نیز، پاکستانی طبی ماہرین اور عملے کو ٹریننگ دے گا، شعبہ صحت کی اپ گریڈیشن، کرونا، پولیو، متعدی، غیر متعدی امراض کے لیے تعاون کی فراہمی کے ساتھ ساتھ سینٹر فار ڈیزیز کنٹرول، اور لیبارٹریز کے لیے آلات بھی فراہم کرے گا۔

Comments

- Advertisement -