اسلام آباد(20 جولائی 2025): پاکستان اسپورٹس بورڈ نے ایشین چیمپئن شپ جیتنے پر انڈر 16 والی بال ٹیم کو 82 لاکھ روپے کیش ایوارڈ دینے کا اعلان کردیا۔
ترجمان پاکستان اسپورٹس بورڈ کے مطابق انڈر16والی بال ٹیم کے ہر کھلاڑی کو تاریخی فتح پر6 لاکھ روپے کیش انعام دیا جائے گا، ایشین چیمپئن شپ جیتنے پر ہر کھلاڑی کو 6 لاکھ روپے انعام ملے گا۔
ترجمان پی ایس بی کا کہنا ہے کہ 12 رکنی اسکواڈ کے لیے مجموعی طور پر 72 لاکھ روپے کیش ایوارڈ دیا جائے گا، کوچنگ اسٹاف کو ٹیم ایوارڈ کا 50 فیصد حصہ دیا جائے گا۔
پاکستان نے ایران کو ہرا کر ایشین انڈر 16 والی بال چیمپئن شپ جیت لی
پاکستان اسپورٹس بورڈ کا کہنا ہے کہ کوچ کو انعام کے طور پر 10 لاکھ روپے دیے جائیں گے، کیش ایوارڈز چند روز میں ٹیم اور کوچنگ اسٹاف کو دیے جائیں گے، کیش ایوارڈز مختلف عمر کے کھلاڑیوں کی حوصلہ افزائی اور مالی معاونت پاکستان اسپورٹس بورڈ کی پالیسی کا حصہ ہیں۔
واضح رہے کہ پاکستان نے فائنل میں ایران کو 2-3 سے شکست دی، پاکستان نے ایشین چیمپئن شپ میں ناقابل شکست رہ کر ٹرافی جیتی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں