The news is by your side.

Advertisement

بنگلہ دیش کے خلاف ٹی ٹوینٹی سیریز، سرفراز احمد کی واپسی کا امکان

لاہور: بنگلہ دیش کے خلاف ٹی 20 سیریز کے لیے قومی ٹیم کا اعلان کل کیا جائے گا۔

تفصیلات کے مطابق بنگلہ دیش کے خلاف ٹی ٹوینٹی سیریز کے لیے ہیڈ کوچ، چیف سلیکٹر مصباح الحق نے قومی ٹیم کے کپتان بابر اعظم سے مشاورت کی، کوآرڈینیٹر برائے سلیکشن کمیٹی ندیم خان بھی میٹنگ میں موجود تھے۔

ذرائع کا کہنا ہے کہ سیریز کے لیے اسکواڈ کو حتمی شکل دینے کے لیے مشاورتی عمل کل بھی جاری رہے گا، مشاورتی عمل کے بعد مصباح الحق اور بابر اعظم کل دوپہر ٹیم کا اعلان کریں گے۔

مزید پڑھیں: پاکستان اور بنگلہ دیش کے درمیان سیریز کا شیڈول طے ہوگیا

ذرائع کے مطابق بنگلہ دیش کے خلاف ٹی ٹوینٹی سیریز کے لیے سابق کپتان سرفراز احمد کا نام زیر غور ہے، آسٹریلیا کے خلاف سیریز میں آرام کرنے والے فاسٹ بولر شاہین شاہ آفریدی کی اسکواڈ میں واپسی ہوگی۔

سری لنکا اور آسٹریلیا میں مسلسل شکستوں کے بعد اپنی عالمی نمبر ون پوزیشن خطرے میں ڈالنے والی پاکستانی ٹیم کی مینجمنٹ بنگلہ دیش کے خلاف سیریز میں گرین شرٹس کو فتوحات کے ٹریک پر واپس لانے کے لیے فکرمند ہے۔

یاد رہے کہ بنگلہ دیش کے خلاف ٹی ٹوینٹی سیریز کے میچ 24، 25 اور 27 جنوری کو قذافی اسٹیڈیم لاہور میں کھیلے جائیں گے۔

fb-share-icon0
Tweet 20

Comments

comments

یہ بھی پڑھیں