The news is by your side.

Advertisement

سیریز ہاتھ سے نکل گئی، قومی ٹیم کو میچ بچانے کا چیلنج درپیش

ساؤتھمپٹن: رنز کے انبار تلے دبی پاکستانی ٹیم آج بقا کی جنگ لڑے گی، قومی ٹیم کو انگلینڈ‌ کے خلاف میچ کے ساتھ سیریز بچانے کا چیلنج بھی درپیش ہے۔

تفصیلات کے مطابق ساؤتھمپٹن ٹیسٹ کے چوتھے روز کھیل کے اختتام پر پاکستان نے دو وکٹوں کے نقصان پر 100 رنز بنالیے، گرین شرٹس کو اننگز کی شکست سے بچنے کے لیے مزید 210 رنز درکار ہیں جبکہ میچ کے ساتھ سیریز بچانے کا چیلنج بھی درپیش ہے۔

ٹیسٹ ٹیم کے کپتان اظہر علی 29 اور بابر اعظم 4 رنز کے ساتھ کریز پر موجود ہیں جبکہ شان مسعود 18 اور عابد علی 42 رنز بنا کر پویلین لوٹ گئے۔

انگلینڈ کی جانب سے اسٹیورٹ براڈ اور جیمز اینڈرسن نے ایک، ایک وکٹ حاصل کی۔

واضح رہے کہ گزشتہ روز پاکستانی ٹیم انگلینڈ کے خلاف آخری ٹیسٹ میچ کے تیسرے روز 273 رنز پر آل آؤٹ ہوکر فالو آن کا شکار ہوگئی تھی اسے سے قبل انگلینڈ نے اپنی پہلی اننگز 583 رنز 8 کھلاڑی آؤٹ پر ڈیکلیئر کردی تھی۔

یاد رہے کہ انگلینڈ نے پاکستان کو پہلے ٹیسٹ میچ میں شکست دی تھی جبکہ دوسرا میچ بارش کے باعث ڈرا ہوگیا تھا۔

Comments

یہ بھی پڑھیں