لیڈز: انگلینڈ نے پاکستان کو پانچویں ون ڈے میچ میں 54 رنز سے شکست دے کر سیریز 4-0 سے اپنے نام کرلی۔
تفصیلات کے مطابق لیڈز میں کھیلے جانے والے پانچویں اور آخری ون ڈے میچ میں انگلینڈ نے پاکستان کو 54 رنز سے شکست دے دی، 352 رنز ہدف کے تعاقب میں قومی ٹیم 297 رنز پر آل آؤٹ ہوگئی، سرفراز احمد کی 97 رنز کی اننگز بھی ٹیم کے کام نہ آسکی۔
پاکستان نے بیٹنگ کا آغاز کیا تو فخر زمان بغیر کوئی رن بنائے پویلین لوٹ گئے، دوسرے اوپنر عابد علی بھی صرف 5 رنز بنا کر کرس ووکس کی گیند پر ایل بی ڈبلیو آؤٹ ہوئے۔
بابر اعظم نے 80 رنز بنا کر رن آؤٹ ہوئے، کپتان سرفراز احمد بھی 97 رنز بنا کر رن آؤٹ ہوئے۔
محمد حفیظ بھی بغیر کوئی رن بنائے ووکس کا شکار بنے، شعیب ملک چار بنا کر پویلین لوٹ گئے، آصف علی نے 22 عماد وسیم نے 25 رنز بنائے۔
Match Summary!
England win the fifth #ENGvPAK ODI by 54 runs.SCORECARD ➡️ https://t.co/MBAb0hoG4B pic.twitter.com/pNfFipyqI3
— Pakistan Cricket (@TheRealPCB) May 19, 2019
حسن علی 11 رنز بنا کر آؤٹ ہوئے، محمد حسنین 28 رنز بنا کر پویلین لوٹ گئے، شاہین شاہ آفریدی 19 رنز بنا کر ناٹ آؤٹ رہے۔
انگلینڈ کی جانب سے کرس ووکس نے 5 کھلاڑیوں کو پویلین کی راہ دکھائی، ڈیوڈ ولے اور عادل رشید نے ایک، ایک وکٹ حاصل کی۔
قبل ازیں لیڈز میں کھیلے جانے والے پانچویں اور آخری ون ڈے میچ میں انگلش ٹیم نے ٹاس جیت کر پہلے بیٹنگ کا فیصلہ کیا اور مقررہ اوورز میں 9 وکٹوں کے نقصان پر 351 رنز بنائے اور گرین شرٹس کو جیت کے لیے 352 رنز کا ہدف دیا، شاہین شاہ آفریدی نے 4 وکٹیں حاصل کیں۔
انگلینڈ کی پہلی وکٹ 63 رنز پر گری جب جیمز ونس 33 رنز بنا کر شاہین شاہ آفریدی کی گیند پر پویلین لوٹ گئے، بریسٹو 32 رنز بنا کر آؤٹ ہوئے۔
جو روٹ نے شاندار 84 رنز کی اننگز کھیلی جبکہ انگلش کپتان اوئن مورگن نے 76 رنز بنائے ان کی اننگز میں 5 بلند و بالا چھکے اور 4 چوکے شامل تھے۔
بٹلر نے 34 رنز کی اننگز کھیلی جبکہ بین اسٹوکس 21 رنز بنا کر حسن علی کی گیند پر فخر زمان کو کیچ دے بیٹھے، ٹام کُرن نے 15 گیندوں پر 29 رنز کی ناقابل شکست اننگز کھیلی۔
Innings break!
Curran’s cameo takes England to 351 for 9 in 50 overs.
Shaheen Shah Afridi is the top wicket-taker for us today with four for 82.#ENGvPAK Live Updates: https://t.co/eCYvTfsgAd #WeHaveWeWill pic.twitter.com/xTGLpsowz6— Pakistan Cricket (@TheRealPCB) May 19, 2019
پاکستان کی جانب سے شاہین شاہ آفریدی نے چار اور عماد وسیم نے تین کھلاڑیوں کو پویلین کی راہ دکھائی، محمد حسنین اور حسن علی ایک، ایک وکٹ حاصل کرسکے۔
واضح رہے کہ پانچ میچوں کی سیریز میں انگلینڈ کو 3-0 کی فیصلہ کن برتری حاصل ہے، انگلینڈ کے خلاف ون ڈے سیریز کا پہلا میچ بارش کی نذر ہوگیا تھا، دوسرے میچ میں گرین شرٹس کو صرف 12 رنز سے شکست ہوئی تھی، تیسرے ون ڈے میچ میں انگلینڈ نے 6 وکٹوں جبکہ چوتھے ون ڈے میچ میں 3 وکٹوں سے کامیابی حاصل کی تھی۔
