The news is by your side.

Advertisement

پاکستان کے پاس دنیا کی نمبر ون ٹیم بننے کا بہترین موقع

ٹیسٹ کرکٹ میں انگلینڈ کا پاکستان کیخلاف پلڑا بھاری ہے، پاکستان انگلینڈ کیخلاف ٹیسٹ سیریز چار صفر یا تین صفر سے جیت کر آسٹریلیا سے پہلی پوزیشن چھین سکتا ہے۔

تفصیلات کے مطابق 14 جولائی سے شروع ہونے والی سیریز میں انگلش شیروں کیخلاف کلین سوئپ یا تین صفر سے کامیابی پاکستان کو دنیا کی نمبر ون ٹیم بنادے گی۔ ٹیسٹ سیریز تین ایک یا دو ایک سے جیتنے کی صورت میں پاکستان بھارت کو پیچھے چھوڑ دوسری پوزیشن پر قبضہ کرلے گا۔

انگلینڈ کسی بھی مارجن سے سیریز جیتنے میں کامیاب ہوا تو پاکستان ایک درجہ تنزلی کے بعد چوتھے نمبر پر چلاجائے گا اورانگلینڈ تیسرے نمبر پر آجائے گا، ریکارڈ پر نظر ڈالیں تو ٹیسٹ کرکٹ میں انگلینڈ کا پاکستان کیخلاف پلڑا بھاری ہے، مجموعی طور پر ستتر میچز میں سےاکیس انگلینڈ کے نام رہے تو اٹھارہ میں پاکستان فاتح رہا، اڑتیس میچز ڈرا ہوئے۔

پاکستان کو انگلینڈ کیخلاف آخری ناکامی دو ہزار دس کے لارڈز ٹیسٹ میں ہوئی تھی، جس کے بعد یو اےای میں کھیلے گئے چھ میں پانچ میچز پاکستان نے جیتے تھے۔

واضح رہے کہ آئی سی سی کی عالمی رینکنگ میں اس وقت آسٹریلیا 118 پوائنٹس کے ساتھ پہلے، بھارت 112 پوائنٹس کے ساتھ دوسرے، پاکستان 111 پوائنٹس کے ساتھ تیسرے، انگلینڈ 108 پوائنٹس کیساتھ چوتھے جب کہ نیوزی لینڈ کے98، جنوبی افریقہ کے 92، سری لنکا کے 85، ویسٹ انڈیز کے اور بنگلہ دیش کے 57 پوائٹس ہیں۔

دونوں ٹیموں کے کھلاڑیوں کی بیٹنگ میں رینکنگ میں جوئے روٹ چوتھے، یونس خان پانچویں اور مصباح الحق دسویں، الیسٹر کک بارہویں، اسد شفیق تیرہویں، جونی بیئر اسٹو اٹھارویں،سرفراز احمد انیسویں، اظہر علی بیسویں،محمد حفیظ بائیسویں، بین اسٹوکس 37ویں،معین علی 39ویں نمبر پر موجود ہے، جوئے روٹ اور یونس خان میں 11 پوائنٹس کا فرق ہے۔

بولرز میں جیمز اینڈرسن پہلے، اسٹورٹ براڈ تیسرے اور یاسر شاہ چوتھے، ذوالفقار بابر 28ویں، معین علی 30ویں،راحت علی 35 ویں، وہاب ریاض 38ویں اور عمران خان 47ویں نمبر پر موجود ہیں، جیمز اینڈرسن انجری کے سبب لارڈز ٹیسٹ میں شریک نہیں ہوں گے،ان سے ٹاپ پوزیشن چھن سکتی ہے، پاکستان کے ایک اہم بولر محمد عامر6سال بعد پہلا ٹیسٹ کھیل رہے ہیں۔ ٹاپ 5ٹیسٹ آل راؤنڈرز کی فہرست میں کوئی پاکستانی کھلاڑی شامل نہیں۔

Print Friendly, PDF & Email

Comments

comments

یہ بھی پڑھیں