کراچی (20 جنوری 2026): شائقین کرکٹ کے لیے بڑی خوشخبری آ گئی ہے کہ وہ ایک ہی دن میں روایتی حریفوں پاکستان اور بھارت کے دو میچز دیکھیں گے۔
شائقین کرکٹ نے اب تک ایک ایونٹ میں پاکستان اور بھارت کو دو یا تین بار میچز میں مد مقابل دیکھا ہوگا۔ مگر کرکٹ کی تاریخ میں وہ یادگار گھڑی آ رہی ہے کہ جب ایک ٹورنامنٹ نہیں بلکہ ایک ہی روز کرکٹ کے دیوانوں کو دو پاک بھارت ٹاکرے دیکھنے کو ملیں گے۔
روایتی حریفوں کے درمیان یہ میچز اگلے ماہ 15 فروری کو کھیلے جائیں گے۔
آئی سی سی مینز ٹی 20 ورلڈ کپ کا آغاز 7 فروری سے بھارت اور سری لنکا کی مشترکہ میزبانی میں شروع ہو رہا ہے، جس کا سب سے بڑا مقابلہ 15 فروری کو کولمبو میں پاکستان اور بھارت کے درمیان شیڈول ہے۔
Fixtures unveiled ️
Pakistan Women's A are set to feature in the ACC Women's Asia Cup Rising Stars 2026 next month #BackOurGirls | #AsiaCupRisingStars pic.twitter.com/37NQ6RwMui
— Pakistan Cricket (@TheRealPCB) January 19, 2026
تاہم اسی روز بنکاک میں ایک اور پاک بھارت ٹاکرا ہوگا جو ویمنز ایشیا کپ رائزنگ اسٹارز کے سلسلے میں کھیلا جائے گا۔
ایشین کرکٹ کونسل نے ویمنز ایشیا کپ رائزنگ اسٹارز کا شیڈول جاری کر دیا۔ 8 ٹیموں پر مشتمل ویمنز یہ ٹی ٹوئنٹی ٹورنامنٹ 13 سے 22 فروری تک تھائی لینڈ کے شہر بنکاک میں کھیلا جائے گا۔
8 ٹیموں کو چار، چار ٹیموں کے دو گروپس میں تقسیم کیا گیا ہے اور ہر ٹیم کی دو ٹاپ ٹیمیں سیمی فائنل کے لیے کوالیفائی کریں گی۔
’ ~
The #DPWorldWomensAsiaCupRisingStars2026 is set to bring bold performances, big moments and the future of Asian cricket to the forefront. pic.twitter.com/Vt4FgRy14A
— AsianCricketCouncil (@ACCMedia1) January 19, 2026
پاکستان اور بھارت کے ساتھ گروپ اے میں متحدہ عرب امارات اور نیپال شامل ہیں جبکہ گروپ بی میں بنگلادیش، سری لنکا، ملائیشیا اور میزبان تھائی لینڈ کو شامل کیا گیا ہے۔
گرین شرٹس مہم کا آغاز 13 فروری کو نیپال کے خلاف کریں گی، گروپ مرحلے میں آخری مقابلہ 17 فروری کو یو اے ای سے ہوگا۔
گروپ مرحلہ 18 فروری تک جاری رہے گا، اس کے بعد ہر گروپ کی ٹاپ 2 ٹیمیں 20 فروری کو ہونے والے سیمی فائنلز کے لیے کوالیفائی کرپائیں گی جبکہ فائنل 22 فروری کو کھیلا جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں