The news is by your side.

Advertisement

آخری ٹی 20، قومی ٹیم پر وائٹ واش کی تلوار لٹکنے لگی

نیپئیر: پاکستان اور نیوزی لینڈ کے درمیان ٹی 20 سیریز کا آخری میچ آج نیپئر میں کھیلا جائے گا، قومی ٹیم کو سیریز ہارنے کے بعد وائٹ واش کا چیلنج درپیش ہے۔

تفصیلات کے مطابق پاکستان اور نیوزی لینڈ کی ٹیمیں تیسرے ٹی20 میں آج مدمقابل ہوں گی، قومی ٹیم میں دو تبدیلیوں کا امکان ہے، فاسٹ بولر وہاب ریاض اور اوپنر عبداللہ شفیق کو ڈراپ کیا جاسکتا ہے۔

ذرائع کا کہنا ہے کہ وہاب ریاض اور عبداللہ شفیق کی جگہ محمد حسنین اور افتخار احمد کی شمولیت کا قوی امکان ہے، واضح رہے کہ وہاب ریاض دو میچ میں کوئی وکٹ نہ لے سکے جبکہ عبداللہ شفیق بھی دونوں میچز میں رنز نہیں بناسکے تھے۔

یہ پڑھیں: کیویز کیخلاف قومی ٹیسٹ اسکواڈ کا اعلان، محمد رضوان قیادت کریں گے 

یاد رہے کہ کیویز نے ٹی 20 سیریز میں 2-0 کی فیصلہ کن برتری حاصل کرلی ہے، پہلے ٹی 20 میں گرین شرٹس کو 5 وکٹوں سے شکست دی تھی جبکہ دوسرے ٹی 20 میں کیویز نے 9 وکٹوں سے کامیابی حاصل کی، محمد حفیظ کی 99 رنز کی ناقابل شکست اننگز بھی رائیگاں گئی تھیں۔

ٹی 20 کے بعد پاکستان اور نیوزی لینڈ کے درمیان ٹیسٹ سیریز کھیلی جائے گی جس کے لیے15 رکنی قومی اسکواڈ کا اعلان کردیا گیا ہے، انجرڈ بابر اعظم کی جگہ محمد رضوان ٹیم کی قیادت کریں گے، دیگر کھلاڑیوں میں اظہر علی، عابد علی، شان مسعود، فواد عالم، عمران بٹ، حارث سہیل، سرفراز احمد، سہیل خان، نسیم شاہ، محمد عباس، شاہین آفریدی، فہیم اشرف اور یاسر شاہ شامل ہیں۔

Comments

یہ بھی پڑھیں