The news is by your side.

Advertisement

قومی ٹیم آج نارتھمپٹن شائر سے چار روزہ پریکٹس میچ میں مد مقابل ہوگی

نارتھمپٹن شائر: پاکستان کرکٹ ٹیم کے لیے دورہ انگلینڈ میں تیاریوں کا آخری موقع، آج چارہ روزہ پریکٹس میچ میں نارتھمپٹن شائر کے مدمقابل آئے گی۔

تفصیلات کے مطابق نارتھمپٹن میں کھلاڑیوں نے بھرپور پریکٹس کی، قومی ٹیم نے جاں فشانی سے فزیکل فٹنس پر کام کیا اور بیٹنگ، بولنگ اور فیلڈنگ میں بہتری لانے کے لیے مشقیں کیں۔

تیز وکٹ کو دیکھتے ہوئے کھلاڑیوں نے پریکٹس کے دوران ماربل سلپ استعمال کیے۔ خیال رہے کہ نارتھمپٹن میں موسم سرد ہوگا، چار روزہ میچ میں کھلاڑیوں کے پاس خود کو وارم اپ کرنے کا آخری چانس ہوگا۔

قبل ازیں قومی ٹیم نے کینٹ کاؤنٹی کے خلاف پہلا وارم اپ میچ کھیلا جو بارش سے متاثر ہوا لیکن میچ میں قومی ٹیم کی بیٹنگ کی پرانی بیماری نے پھر سر اٹھالیا۔

کینٹ کے خلاف پاکستان کی بیٹنگ لائن مکمل طور پر ناکام رہی، پریکٹس میچ بارش کے سبب ڈرا ہوا لیکن پاکستان کی بیٹنگ لائن نے کوچ اور مینجمنٹ کی تشویش بڑھادی ہے۔

قومی ٹیم انگلینڈ سے جیت کرواپس آئے گی، انضمام الحق

واضح رہے کہ دورہ انگلینڈ میں قومی ٹیم اپنے حریف کے ساتھ دو ٹیسٹ میچز کھیلے گی، پہلا میچ 24 تا 28 مئی اور دوسرا یکم جون سے 05 جون کھیلا جائے گا۔ انگلینڈ سے قبل آئرلینڈ اپنا تاریخی پہلا ٹیسٹ میچ گیارہ مئی سے پاکستان کے خلاف کھیلے گا لیکن بارش اور ناکافی سہولتیں میچ کے دوران آڑے آسکتی ہیں۔

قومی کرکٹ ٹیم کے چیف سلیکٹر انضمام الحق کا کہنا تھا کہ امید ہے ہماری ٹیم انگلینڈ سے جیت کر واپس آئے گی، کھلاڑیوں سے غلطیاں بھی ہونگی لیکن شکست سے نہیں ڈرنا چاہیے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں