The news is by your side.

Advertisement

پاکستان اوراسکاٹ لینڈ کےدرمیان پہلا ٹی ٹوئنٹی میچ آج کھیلا جائے گا

ایڈن برگ : پاکستان اور اسکاٹ لینڈ کی ٹیموں کے درمیان دو ٹی ٹوئنٹی میچوں پرمشتمل سیریز کا پہلا میچ آج کھیلا جائے گا۔

تفصیلات کےمطابق پاکستان اور اسکاٹ لینڈ کے درمیان دو ٹی ٹوئنٹی میچوں کی سیریز پرمشتمل پہلا میچ آج ایڈن برگ میں کھیلا جائے گا، میچ پاکستانی وقت کے مطابق رات 8 بجے شروع ہوگا۔

اسکاٹ لینڈ کی ٹیم دو روز قبل ون ڈے کی عالمی نمبر ون ٹیم انگلینڈ کو شکست دے کر اپنے عزائم ظاہر کرچکی ہے اور اب وہ ٹی ٹوئنٹی کے عالمی نمبر ایک ٹیم پاکستان کے خلاف بھی ایسی کارکردگی دہرانے کی خواہاں ہے۔

دوسری جانب پاکستان کی ٹیم انگلینڈ کے خلاف ٹیسٹ میچ کی شکست کو بھلا کر سرفراز احمد کی قیادت میں ٹی ٹوئنٹی سیریز میں اپنی فتوحات کے سلسلے کو برقرار رکھنے کی خواہشنمند ہے۔

اسکاٹ لینڈ کے خلاف پاکستانی اسکواڈ میں سرفراد احمد کپتان، فخرزمان، احمد شہزاد، حارث سہیل، شعیب ملک، آصف علی، حسین طلعت، فہیم اشرف، شاداب خان، محمد نواز، محمد عامر، حسن علی، راحت علی، عثمان شنواری اور شاہین آفریدی شامل ہیں۔

خیال رہے کہ پاکستان اور اسکاٹ لینڈ کے درمیان 11 سال بعد کوئی ٹی ٹوئنی میچ کھیلا جائے گا جہاں اس سے قبل دونوں ٹیمیں 2007 میں مدمقابل آئی تھیں۔

گرین شرٹس اور اسکاٹ لینڈ کے درمیان اب تک صرف ایک ٹی ٹوئنٹی میچ 2007 کے ورلڈ ٹی ٹوئنٹی میں کھیلا گیا تھا اور پاکستان نے شعیب ملک کی قیادت میں 51 رنز سے فتح حاصل کی تھی۔

قومی کرکٹ ٹیم کی جانب سے شاہد آفرید 21 رنز اور 4 وکٹیں لے کر میچ کے بہترین پلیئرقرار پائے تھے۔

واضح رہے کہ پاکستان اور اسکاٹ لینڈ کے درمیان سیریز کا دوسرا اور آخری ٹی ٹوئنٹی میچ 13 جون کو کھیلا جائے گا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں