راولپنڈی: پاکستان اور سری لنکا کے درمیان کھیلے جانے والے پہلے ٹیسٹ میچ کا تیسرا روز بھی خراب روشنی اور بارش کی نذر ہوگیا۔
تفصیلات کے مطابق پاکستان اور سری لنکا کے درمیان کھیلے جانے والے راولپنڈی ٹیسٹ میچ کے تیسرے روز کا پہلا سیشن خراب آؤٹ فیلڈ کی نذر ہوا، دوسرے سیشن میں امپائر نے کم روشنی کے باعث میچ روک دیا اور پھر کھیل دوبارہ شروع نہ ہوسکا۔
سری لنکا نے پہلی اننگز میں 6 وکٹوں کے نقصان پر 282 رنز بنالیے ہیں، دھنن جیا ڈی سلوا 87 اور دلروان پریرا 6 رنز کے ساتھ کریز پر موجود ہیں۔
تیسرے دن صرف 5.2 اوورز کا کھل ہی ممکن ہوسکا، خراب موسم کی وجہ سے پہلا ٹیسٹ میچ ڈرا کی جانب گامزن ہے۔
It's stumps on day three!
🇱🇰 282-6.
Scorecard: https://t.co/DT67QDtD80 #PAKvSLhttps://t.co/LPpf8JdjVr pic.twitter.com/AUQ2nOB5Lw
— Pakistan Cricket (@TheRealPCB) December 13, 2019
مزید پڑھیں: راولپنڈی ٹیسٹ کا دوسرا روز خراب موسم کی نذر
واضح رہے کہ راولپنڈی ٹیسٹ میچ کے دوسرے روز بھی صرف 18.2 اوورز کا کھیل ممکن ہوسکا تھا، میچ جلد ختم ہوا تو سری لنکا نے 6 وکٹوں پر 263 رنز بنائے تھے۔
یاد رہے کہ دونوں ٹیموں کے درمیان پہلے روز کا کھی بھی کم روشنی اور خراب موسم کی باعث وقت سے پہلے ختم کردیا گیا تھا، پہلے دن سری لنکن ٹیم نے 5 وکٹوں کے نقصان پر 202 رنز بنائے تھے۔
پاکستان کی جانب سے شاہین آفریدی اور نسیم شاہ نے دو، دو وکٹیں حاصل کی ہیں، عثمان شنواری اور محمد عباس کے حصے میں ایک، ایک وکٹ آئی۔
