site
stats
کھیل

پاکستان بمقابلہ ویسٹ انڈیز: ٹیسٹ سیریز کا پہلا میچ کل کھیلا جائے گا

لاہور : پاکستان اور ویسٹ انڈیز کے درمیان تین میچوں کی کرکٹ سیریز کا پہلا ٹیسٹ جمعہ سے کنگسٹن جمیکا کے سبائنا پارک اسٹیڈیم میں ہو گا۔ یہ کپتان مصباح الحق اور یونس خان کے کیریئر کی اختتامی سیریز ہے۔

تفصیلات کے مطابق پاکستان اور ویسٹ انڈیز کے درمیان تین ٹیسٹ میچوں کی سیریز کا پہلا مقابلہ کل سے شروع ہوگا۔ مصباح الحق اور یونس خان اپنے کیرئیر کی آخری سیریز یاد گار بنانے کیلئے پرعزم ہیں۔ یونس خان کو دس ہزار رنز بنانے والے پہلے پاکستانی بیٹسمین کا اعزاز حاصل کرنے کے لئے صرف 23 رنز درکار ہیں۔

دونوں ممالک کی ٹیمیں اب تک 16 ٹیسٹ سیریز کھیل چکی ہیں۔ پانچ میچوں میں شاہین فاتح رہے اور پانچ ہی سیریز کالی آندھی کے نام رہیں جبکہ چھ میچز کا اختتام برابری پر رہا۔

جمیکا میں پاکستان نے ویسٹ انڈیز کے خلاف تین ٹیسٹ کھیلے ہیں جن میں سے دو میں اسے شکست اور 2005 میں کامیابی ملی۔ لیکن اب کی باراس سیریز میں پاکستانی ٹیم اپنی بہترین بولنگ اور بیٹنگ کی وجہ سے فیورٹ ہے۔

توقع ھے کہ پاکستان میڈیم پیسر محمد عباس کو ٹیسٹ کیپ دے گا۔ ساتھ میں وہاب ریاض، محمد عامر اور یاسر شاہ بولنگ سنبھالیں گے۔ احمد شہزاد کی بھی ٹیسٹ میں واپسی ہوگی۔

یاد رہے کہ کیربیئن کے دیس میں پاکستانی ٹیم کبھی ٹیسٹ سیریز نہیں جیتی۔ دیکھنا یہ ہوگا کہ کپتان مصباح الحق تاریخ بدلنے میں کامیاب ہوتے یا نہیں۔ سبائنا پارک پر کھیلا جانیوالا یہ 50 واں ٹیسٹ میچ ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top