The news is by your side.

Advertisement

سہ فریقی ٹی ٹوئنٹی سیریز: پاکستان اور زمبابوے آج مدمقابل ہوں گے

ہرارے : زمبابوے میں شیڈول سہ فریقی ٹی ٹوئنٹی سیریز کا پہلا میچ آج پاکستان اور میزبان ٹیم زمبابوے کے درمیان کھیلا جائے گا۔

تفصیلات کے مطابق پاکستان اور میزبان ٹیم زمبابوے کے درمیان سہ فریقی ٹی ٹوئنٹی سیریز کا پہلا میچ پاکستانی وقت کے مطابق دوپہر ایک بجے شروع ہوگا۔

سہ فریقی سیریز میں تینوں ٹیمیں چار چار میچز کھیلیں گی اور دو ٹاپ ٹیموں کے درمیان فائنل 8 جولائی کو کھیلا جائے گا۔

خیال رہے کہ گزشتہ روز ہرارے اسپورٹس کلب میں کھلاڑیوں نے تین گھنٹے ٹریننگ کی جس میں فیلڈنگ ، باؤلنگ اور بیٹنگ کو بہتربنانے کی کوشش کی گئی۔

ٹیم انتظامیہ کی درخواست پرپاکستان کو سہ فریقی سیریز کے میچ وینیو پرپریکٹس کی اجازدت دی گئی جس سے قومی کرکٹ ٹیم کے کھلاڑیوں نے بھرپور فائدہ اٹھایا۔

نئے اور پرانے کھلاڑیوں کی وجہ سے ہم سرفہرست ہیں، سرفراز احمد

قومی کرکٹ ٹیم کے کپتان سرفراز احمد نے گزشتہ روز ہرارے میں میڈیا سے گفتگو کرتے ہوئے کہا تھا کہ سیریز میں کوئی ٹیم فیورٹ نہیں کیوں کہ ٹی ٹوئنٹی میں کسی ٹیم کے بارے میں کچھ نہیں کہا جا سکتا۔

سرفراز احمد کا کہنا تھا کہ پوری ٹیم کھیل کے تینوں شعبوں بیٹنگ، فیلڈنگ، باؤلنگ میں اچھی پرفارمنس دکھارہی ہے، بالخصوص نوجوان کھلاڑیوں نے مختصر عرصے میں اپنی صلاحیتوں کو منوایا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں