The news is by your side.

Advertisement

پاکستان کا امریکا اور طالبان کے درمیان معاہدے کے اعلان کا خیرمقدم

اسلام آباد: ترجمان دفتر خارجہ عائشہ فاروقی نے امریکا اور افغان طالبان کے درمیان امن معاہدے کے اعلان کا خیر مقدم کیا ہے۔

تفصیلات کے مطابق ترجمان دفتر خارجہ عائشہ فاروقی کی جانب سے جاری بیان میں امریکا اور افغان طالبان کے درمیان امن معاہدے کے اعلان کا خیر مقدم کرتے ہوئے کہا گیا کہ پاکستان ہمیشہ مذاکرات کا حامی رہا ہے۔

ترجمان کے مطابق پاکستان ا س عمل میں اپنا کردار ادا کرتا رہا ہے، 29 فروری کو معاہدہ ہوتا ہوا دیکھ رہے ہیں، یقین ہے معاہدے کے بعد انٹرا افغان مذاکرات ہوں گے۔

طالبان امریکا مذاکرات کامیاب، دونوں فریقین کی تصدیق

واضح رہے کہ امریکا اور طالبان نے مذاکرات کامیاب ہونے کی تصدیق کردی، مذاکرات پر دستخط 29 فروری کو ہوں گے۔

ترجمان طالبان کا کہنا ہے کہ شرائط کے تحت دونوں اطراف کے قیدیوں کی رہائی یقینی بنائی جائے گی، سیاسی پارٹیوں میں انٹر افغان مذاکرات شروع کرنے کا لائحہ عمل تیار کیا جائے گا، غیرملکی افواج کا افغانستان سے انخلا کا سلسلہ شروع کیا جائے گا۔

امریکا اور افغان طالبان کے درمیان گزشتہ ایک سال سے مذاکرات کا سلسلہ جاری ہے جس کے ذریعے امریکا اپنی طویل ترین جنگ سے چھٹکارہ چاہتا ہے۔

fb-share-icon0
Tweet 20

Comments

comments

یہ بھی پڑھیں