پاکستان نے تیسرے اور آخری ٹی ٹوئنٹی میں ویسٹ انڈیز کو 7 وکٹوں سے شکست دے کر سیریز میں کلین سوئپ کر لیا۔
کراچی کے نیشنل اسٹیڈیم میں کھیلے جانے والے آخری ٹی 20 میچ میں پاکستان نے 208 رنز کا ہدف با آسانی 19 ویں اوور میں 3 وکٹوں کے نقصان پر پورا کرلیا، محمد رضوان 87 اور کپتان بابر اعظم نے 79 رنز کی شاندار اننگز کھیلی۔
بڑے ہدف کے تعاقب میں بابراعظم اور محمد رضوان پر مشتمل اوپننگ جوڑی نے جارحانہ انداز اپناتے ہوئے 158 رنز کا اوپننگ اسٹینڈ فراہم کیا۔
One happy team indeed! 😃
Pakistan players pose with the glittering T20I series trophy.#PAKvWI #HumTouKhelainGey pic.twitter.com/AgQ0rQPapo— Pakistan Cricket (@TheRealPCB) December 16, 2021
فخر زمان 7 رنز بنا کر آؤٹ ہوئے، آصف علی نے 7 گیندوں پر 21 رنز کی ناقابل شکست اننگز کھیلی، افتخار احمد ایک رن کے ساتھ ناٹ آؤٹ رہے۔
ویسٹ انڈیز کی جانب سے شیفرڈ اور اوڈین اسمتھ نے ایک، ایک وکٹ حاصل کی۔
Do you think the NSK crowd enjoyed that?@AasifAli2018 pic.twitter.com/NJetyfu6qm
— Pakistan Cricket (@TheRealPCB) December 16, 2021
اس سے قبل ویسٹ انڈیز نے مقررہ اوورز میں تین وکٹوں کے نقصان پر 207 رنز بنائے تھے اور پاکستان کو جیت کے لیے 208 رنز کا ہدف دیا تھا۔
Another quality innings by the supremely consistent @iMRizwanPak 👏👏#PAKvWI #HumTouKhelainGey pic.twitter.com/FnNVUbSMeF
— Pakistan Cricket (@TheRealPCB) December 16, 2021
ویسٹ انڈین اوپنر نے 66 رنز کا شاندار آغاز فراہم کیا، برینڈن کنگ نے 21 گیندوں پر 43 رنز کی جارحانہ اننگز کھیلی، بروکس 49 رنز کے ساتھ نمایاں رہے۔
A smashing innings by @windiescricket captain @nicholas_47 👏👏👏#PAKvWI pic.twitter.com/sxKnQoO9Om
— Pakistan Cricket (@TheRealPCB) December 16, 2021
ویسٹ انڈیز کے کپتان نکولوس پوران نے 64 رنز کی دلکش اننگز کھیلی، ڈیرن براوو 34 رنز بنا کر ناٹ آؤٹ رہے۔
پاکستان کی جانب سے محمد وسیم جونیئر نے دو کھلاڑیوں کو پویلین کی راہ دکھائی، شاہنواز دہانی ایک وکٹ حاصل کرسکے۔
How to celebrate your first international wicket on home soil?@ShahnawazDahani demonstrates! 😍 pic.twitter.com/mH9Cqkd2sO
— Pakistan Cricket (@TheRealPCB) December 16, 2021
اس سے قبل مہمان ٹیم کے کپتان نکولسن پوران نے ٹاس جیتا اور بیٹنگ کو ترجیح دی تھی۔
سیریز میں فیصلہ کن برتری حاصل کرنے والی قومی ٹیم میں دو تبدیلیاں کی گئی تھیں، شاہین شاہ آفریدی اور حارث رؤف کی جگہ شاہنواز داہانی اور محمدحسنین کو ٹیم میں شامل کیا گیا تھا۔
ویسٹ انڈیز کیمپ سے مزید پانچ کرونا ٹیسٹ مثبت آنے کے بعد آج ہونے والا تیسرا اور آخری ٹی ٹوئنٹی میچ کووڈ ٹیسٹ کی رپورٹ سے مشروط کیا گیا تھا۔