واشنگٹن: ‘ ترجمان وائٹ ہاوس کے مطابق امریکہ میں داخلہ ممنون ‘ لسٹ میں مزید ممالک کے اضافے کا امکان ہے، جس میں پاکستان کا نام بھی شامل کیا جا سکتا ہے.
تفصیلات کے مطابق وائٹ ہاؤس کے چیف رینک پریبس نے امریکی ٹی وی کو انٹرویو دیتے ہوئے کہا ہے کہ امریکہ میں داخلہ ممنون لسٹ میں دیگر ممالک کے نام شامل کرنے پر بھی غور کیا جارہا ہے، انہوں نے کہا کہ ان ممالک میں پاکستان کا نام بھی شامل ہوسکتا ہے.
واضح رہے کہ ڈونلڈ ٹرمپ نے عہدہ سنبھالتے ہی انتخابی وعدے وفا کرنا شروع کر دیئے ہیں. جس کا آغار انہوں نے سات مسلم ممالک کی امریکہ میں پابندی عائد کرکے کیا ہے۔
یہاں پڑھیں:تیس لاکھ مہاجرین کو ملک بدر یاگرفتارکرلیاجائےگا،ٹرمپ
ٹرمپ انتظامیہ نے گذشتہ ہفتے اہم فیصلہ کرتے ہوئے تارکین وطن اور 7 مسلم ممالک کے داخلے پر پابندی کے حکم نامہ پر دستخط کیے تھے.
یہاں پڑھیں:امریکی صدر کے تارکین وطن اور 7 مسلم ممالک کے داخلے پر پابندی کے حکم نامہ پر دستخط
یاد رہے، ٹرمپ نے 120 دنوں کے مہاجرین کی آمد معطل کردی ہے اور 90 دنوں کے لئے ایران، عراق، لیبیا، صومالیہ، سوڈان، شام اور یمن کے سات مسلم اکثریت والے ممالک کے لوگوں کے داخلے کو روک دیا ہے.
واضح رہے یہ پالیسی اوبامہ انتظامیہ کے دور میں بھی زیر غور آئی تھی تاہم سابق صدر نے اسے ملتوی کردیا تھا.
