site
stats
Uncategorized

کلبھوشن کیس : جیت پاکستان کی ہی ہوگی، گورنر سندھ

کراچی: گورنر سندھ محمد زبیر نے کہا ہے کہ عالمی عدالت انصاف میں پاکستان کی جیت ہوگی، کلبھوشن کیس ابھی شروع ہوا ہے ہماری طرف سے پیش کیے گئے دلائل بہت مضبوط ہیں۔

کراچی میں تقریب سے خطاب کرتے ہوئے محمد زبیر نے کہاکہ شہر قائد کے حالات اب بہت تبدیل ہوچکے، عوام نے ہمیشہ فوج اور حکومت پر اعتماد کیا کیونکہ ہم دہشت گردی کو ختم کرنے کے لیے کوشاں ہیں۔

انہوں نے کہا کہ دہشت گردی کو ختم کرنے کے لیے حکومت نے سنجیدہ اقدامات کیے، کراچی کے امن و امان کو بحال رکھنے کے لیے وفاق رینجرز کو سندھ میں مستقل طور پر تعینات کرنے کے لیے کوشاں ہے۔

شہر میں جاری لوڈشیڈنگ پر تبصرہ کرتے ہوئے گورنر سندھ نے کہا کہ کے الیکٹرک سے مسلسل رابطے میں ہیں ، کے الیکٹرک نے مستقبل کا پلان دیا ہے جس پر عمل کر کے آئندہ چند ماہ میں بجلی کا بحران ختم کردیا جائے گا۔

گورنر سندھ نے کہا کہ ملک میں تعلیم کی کمی ہےاور صوبائی حکومت کی طرف سے بھی تعلیمی فروغ کے لیے اقدامات نہیں کیے جارہے تاہم وفاق کی طرف سے تعلیمی شعبے میں تعاون کا یقین دلاتا ہوں کیونکہ وفاقی حکومت عوامی خدمت پر یقین رکھتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top