The news is by your side.

Advertisement

اگر بھارت نے جارحیت کی تو ایک بار پھر منہ توڑ جواب دیا جائے گا: گورنر پنجاب

واشنگٹن: گورنر پنجاب چوہدری محمد سرور نے کہا ہے کہ اگر بھارت نے جارحیت کی تو ایک بار پھر منہ توڑ جواب دیا جائے گا۔

تفصیلات کے مطابق امریکی دارالحکومت واشنگٹن میں گورنر پنجاب چوہدری محمد سرور کا اے آر وائی نیوز سے خصوصی گفتگو ہوئے کہنا تھا کہ بھارتی نے جارحیت کی کوشش کی تو ایک بار پھر اسے منہ کی کھانا پڑے گی۔

گورنرپنجاب کا کہنا تھا کہ امریکی سینیٹرز کو باور کرایا ہے کہ مودی جنگ جیسی حماقت کرسکتا ہے، لیکن پاکستان اپنا دفاع کا پورا حق رکھتا ہے۔

ان کا مزید کہنا تھا کہ پوری دنیا عمران خان کی قیادت پر یقین رکھتی ہے، پاکستان امریکا کے ساتھ برابری کی بنیاد پر تعلقات چاہتا ہے۔

خیال رہے کہ گذشتہ ماہ گورنر پنجاب چوہدری سرور نے کہا تھا کہ بھارت کے پاس جوثبوت ہیں وہ ہمیں فراہم کرے یابین الاقوامی سطح پر سامنے لائے، ہم الزامات کی تفتیش کے لیے تیار ہیں، جنگ نہیں چاہتے، مگر کسی جارحیت کا پاکستان منہ توڑ جواب دے گا۔

بھارت کےپاس جوثبوت ہیں وہ ہمیں فراہم کرے یابین الاقوامی سطح پر سامنےلائے، چوہدری سرور

ان کا یہ بھی کہنا تھا کہ پاکستان ہمسایوں اور دنیا سے برابر کے تعلقات چاہتا ہے، بھارت کا رویہ جارحانہ ہے، دھمکی دے رہا ہے، پانی بند کرنے کا کہہ رہا ہے، جنگ نہیں چاہتے، مگر کسی جارحیت کا پاکستان منہ توڑ جواب دے گا، جارحیت کا مقابلہ کرنے کی صلاحیت اور منہ توڑ جواب دینا جانتے ہیں۔

Comments

comments

یہ بھی پڑھیں