جوہانسبرگ: پاکستان نے انڈر 19 ورکپ کے پہلے میچ میں اسکاٹ لینڈ کو آؤٹ کلاس کرتے ہوئے ایونٹ میں فاتحانہ آغاز کیا ہے۔
جنوبی افریقا میں کھیلے جارہے میگا ایونٹ میں گرین شرٹس کے فاسٹ بولر محمد وسیم نے حریف بلے بازوں کی گلیاں اڑا دیں، انہوں نے تباہ کن بولنگ کرتے ہوئے 5 کھلاڑیوں کو پویلین بھیج کر اسکاٹ لینڈ کی بیٹنگ لائن کی کمر توڑ دی۔
All 10 Scotland wickets to fall 👇#U19CWC | #PAKvSCO | #FutureStarshttps://t.co/BlNfUOB9Xu
— ICC Cricket World Cup (@cricketworldcup) January 19, 2020
ڈیبیو کرنے والے محمد طاہر نے بھی شاندار بولنگ کرتے ہوئے 3 کھلاڑیوں کو آؤٹ کیا جب کہ محمد عباس آفریدی نے 2 وکٹیں حاصل کیں۔
قومی ٹیم کی شاندار بولنگ کی بدولت اسکاٹ لینڈ کی پوری ٹیم 24 ویں اوور میں صرف 75 رنز پر پویلین لوٹ گئی، اسکاٹ لینڈ کے 9 پلیئرز ڈبل فیگرز میں بھی داخل نہ ہوسکے، دونوں اوپنر صفر ، صفر پر آؤٹ ہوئے، عذیر شاہ نے 20 رنز کی اننگز کھیلی۔
Pakistan win by seven wickets!
They get their campaign off to the perfect start with a convincing win over Scotland.#U19CWC | #PAKvSCO | #FutureStars pic.twitter.com/g0iFwp6b5V
— ICC Cricket World Cup (@cricketworldcup) January 19, 2020
ہدف کے تعاقب میں اوپننگ جوڑی ناکام ہونے کے بعد مڈل آرڈر بیٹسمینوں نے باری کو سنبھالا اور ذمہ دارانہ بیٹنگ کرتے ہوئے مطلوبہ ہدف صرف 3 وکٹوں کے نقصان پر 12 اوور میں حاصل کر لیا، محمد عرفان خان 38 رنز کے ساتھ ٹاپ اسکورر رہے جب کہ کپتان روحیل نذیر نے 27 رنز کی اننگز کھیلی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں