لاہور: پاکستان نے تیسرے ون ڈے میچ میں آسٹریلیا کو 9 وکٹوں سے شکست دے کر 20 سال بعد سیریز جیت لی، بابر اعظم کو میچ اور سیریز کا بہترین کھلاڑی قرار دیا گیا۔
تصیلات کے مطابق لاہور کے قذافی اسٹیڈیم میں کھیلے گئے تیسرے ون ڈے میچ میں پاکستان نے آسٹریلیا کی جانب سے دیا جانے والا 211 رنز کا ہدف 1 وکٹ کے نقصان پر 37.5 اوورز میں حاصل کرلیا اور سیریز 2-1 سے اپنے نام کرلی۔
پاکستان کی پہلی وکٹ 24 رنز پر گری، فخر زمان 17 رنز بنا کر آؤٹ ہوئے اس کے بعد امام الحق نے اور کپتان بابر اعظم نے ناقابل شکست اننگز کھیل کر ٹیم کو کامیابی سے ہمکنار کروایا۔
Babar disrupting length 💪🏼#BoysReadyHain l #PAKvAUS pic.twitter.com/HKW7Mpb69s
— Pakistan Cricket (@TheRealPCB) April 2, 2022
بابر اعظم نے شاندار 105 رنز کی اننگز کھیلی جبکہ امام الحق بھی 89 رنز کے ساتھ ناٹ آؤٹ رہے۔
16th ODI century for @babarazam258
Delighted teammates rise for their captain 👏 👏👏#BoysReadyHain l #PAKvAUS pic.twitter.com/w42tuQKGha— Pakistan Cricket (@TheRealPCB) April 2, 2022
آسٹریلیا کی جانب سے نیتھن ایلس ایک وکٹ حاصل کرسکے۔
The timing is always right when this man’s on the crease. #BoysReadyHain l #PAKvAUS pic.twitter.com/KkHhEBE4gj
— Pakistan Cricket (@TheRealPCB) April 2, 2022
اس سے قبل آسٹریلوی ٹیم 41.5 اوورز میں 210 رنز پر ڈھیر ہوگئی تھی اور پاکستان کو جیت کے لیے 211 رنز کا ہدف دیا تھا۔
🚨 INNINGS BREAK 🚨 #BoysReadyHain l #PAKvAUS pic.twitter.com/xfRkAWiJZZ
— Pakistan Cricket (@TheRealPCB) April 2, 2022
آسٹریلوی ٹیم ابتدا سے ہی پاکستانی بولرز کے سامنے مشکلات کا شکار رہی، اوپنر ٹریوس ہیڈ اور کپتان ایرون فنچ بغیر کوئی رن بنائے پویلین لوٹ گئے۔
الیکس کیری 56 اور شان ایبٹ 49 رنز کے ساتھ نمایاں رہے، بین میکدر میٹ 36 اور کیمرون گرین 34 رنز بناسکے۔
🔂 ON REPEAT
.@Wasim_Jnr in control. #BoysReadyHain l #PAKvAUS pic.twitter.com/VBv09Piyzz— Pakistan Cricket (@TheRealPCB) April 2, 2022
مارکس لبوشین 4 اور مارکس اسٹونس 19 رنز بنا کر آؤٹ ہوئے، نیتھن ایلس 2 رنز بنا کر محمد وسیم کا نشانہ بنے۔
پاکستان کی جانب سے حارث رؤف اور محمد وسیم نے تین، تین وکٹیں حاصل کیں، شاہین شاہ آفریدی نے دو اور زاہد محمود نے ایک وکٹ حاصل کی۔
Fakhar on guard, Shaheen on attack- Behrendorff stood no chance! #BoysReadyHain l #PAKvAUS pic.twitter.com/b3laYkfJS6
— Pakistan Cricket (@TheRealPCB) April 2, 2022
اس سے قبل پاکستان نے ٹاس جیتا اور مہمان ٹیم کو پہلے بیٹنگ کرنے کی دعوت دی تھی، فائنل میچ کے لئے پاکستان ٹیم میں کوئی تبدیلی نہیں کی گئی۔
فیصلہ کن معرکے کے لئے آسٹریلیا نے ٹیم میں ایک تبدیلی کی ہے، مچل سوئپسن کی جگہ جیسن بیرنڈورف کو ٹیم میں شامل کیا گیا ہے۔
واضح رہے کہ پاکستان 20 سال سے آسٹریلیا کے خلاف کوئی ون ڈے سیریز نہیں جیتا ہے۔
Safe hands! 🤩
Fakhar helps @IftiAhmed221 dismiss Carey! #BoysReadyHain l #PAKvAUS pic.twitter.com/4e18RE1TaE— Pakistan Cricket (@TheRealPCB) April 2, 2022
دوسرے ایک روزہ میچ میں کپتان بابر اعظم اور اوپننگ بیٹر امام الحق کی سنچریوں کی بدولت قومی ٹیم نے ون ڈے کرکٹ میں ریکارڈ ہدف حاصل کرتے ہوئے آسٹریلیا کو 6 وکٹوں سے ہرایا تھا۔
اس سے قبل پاکستان کی جانب سے حاصل کیا گیا سب سے بڑا ہدف 327 رنز تھا، جو اس نے بنگلا دیش کے خلاف ایشیا کپ کے میچ میں عبور کیا تھا۔
اس کے علاوہ پاکستان ٹیم کے کپتان بابر اعظم نے آسٹریلیا کے خلاف سنچری بناکر ایک اور عالمی اعزاز اپنے نام کیا تھا، بابر اعظم ون ڈے کرکٹ میں تیز ترین 15 سنچریاں بنانے والے بیٹر بنے تھے۔
